헬라어 텍스트

Athenaeus, The Deipnosophists, Book 10, book 10, chapter 46

(아테나이오스, The Deipnosophists, Book 10, book 10, chapter 46)

καὶ Φίλιπποσ δ’ ὁ τοῦ Ἀλεξάνδρου πατήρ φιλοπότησ ἦν, ὡσ ἱστορεῖ Θεόπομποσ ἐν τῇ ἕκτῃ καὶ εἰκοστῇ τῶν ἱστοριῶν, κἀν ἄλλῳ δὲ μέρει τῆσ ἱστορίασ γράφει Φίλιπποσ ἦν τὰ μὲν φύσει μανικὸσ καὶ προπετὴσ ἐπὶ τῶν κινδύνων, τὰ δὲ διὰ μέθην ἦν γὰρ πολυπότησ καὶ πολλάκισ μεθύων ἐξεβοήθει. ’ ἐν δὲ τῇ τρίτῃ καὶ πεντηκοστῇ περὶ τῶν ἐν Χαιρωνείᾳ· αὐλητὴν καὶ τοὺσ ἄλλουσ τοὺσ εἰθισμένουσ αὐτῷ συμπίνειν περιήγετο γὰρ πανταχοῦ τοὺσ τοιούτουσ ὁ Φίλιπποσ καὶ κατασκευασάμενοσ ἦν ὄργανα πολλὰ συμποσίου καὶ συνουσίασ, ὢν γὰρ φιλοπότησ καὶ τὸν τρόπον ἀκόλαστοσ καὶ βωμολόχουσ εἶχε περὶ αὑτὸν συχνοὺσ καὶ τῶν περὶ τὴν μουσικὴν ὄντων καὶ τῶν τὰ γέλοια λεγόντων, πιὼν δὲ τὴν νύκτα πᾶσαν καὶ μεθυσθεὶσ ἐπὶ πολὺ καὶ παραπαίσασ ἀφεὶσ ἅπαντασ τοὺσ ἄλλουσ ἀπαλλάττεσθαι ἤδη πρὸσ ἡμέραν ἐκώμαζεν ὡσ τοὺσ πρέσβεισ τοὺσ τῶν Ἀθηναίων.

"χρὴ πίνειν Ἀντίπατροσ γὰρ ἱκανόσ ἐστι νήφων.

κυβεύοντοσ δέ ποτε αὐτοῦ καί τινοσ ἀγγείλαντοσ ὡσ Ἀντίπατροσ πάρεστι, διαπορήσασ ὦσεν ὑπὸ τὴν κλίνην τὸν ἄβακα.