헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 35)

ταῦτ’ εἰπὼν ὁ Δημόκριτοσ καὶ πιὼν ἔφη· τούτοισ εἴ τισ ἀντιλέγειν ἔχει, παρίτω. ἀκούσεται γὰρ κατὰ τὸν Εὐήνον σοὶ μὲν ταῦτα δοκοῦντ’ ἔστω, ἐμοὶ δὲ τάδε. ἐγὼ δ’ ἐπεὶ παρεξέβην περὶ τῶν ἀρχαίων κράσεων διαλεγόμενοσ, ἐπαναλήψομαι τὸν λόγον τὰ ὑπὸ Ἀλκαίου τοῦ μελοποιοῦ λεχθέντα ἐπὶ νοῦν βαλλόμενοσ φησὶ γάρ που οὗτοσ· ἔγχεε κέρναισ ἕνα καὶ δύο.

ἐν τούτοισ γάρ τινεσ οὐ τὴν κρᾶσιν οἰόνται λέγειν αὐτόν, ἀλλὰ σωφρονικὸν ὄντα καθ’ ἕνα κύαθον ἄκρατον πίνειν καὶ πάλιν κατὰ δύο. τοῦτο δὲ ὁ Ποντικὸσ Χαμαιλέων ἐκδέδεκται τῆσ Ἀλκαίου φιλοινίασ ἀπείρωσ ἔχων. κατὰ γὰρ πᾶσαν ὡρ́αν καὶ πᾶσαν περίστασιν πίνων ὁ ποιητὴσ οὗτοσ εὑρίσκεται· χειμῶνοσ μὲν ἐν τούτοισ· ὑεί μὲν ὁ Ζεύσ, ἐκ δ’ ὀρανῶ μέγασ χειμών, πεπάγασιν δ’ ὑδάτων ῥοαί. . ’. κάββαλλε τὸν χειμῶν’, ἐπὶ μὲν τιθεὶσ πῦρ, ἐν δὲ κέρναισ οἶνον ἀφειδέωσ μελιχρόν, αὐτὰρ ἀμφὶ κόρσᾳ μαλθακὸν ἀμφιβαλὼν γνόφαλλον.

θέρουσ δέ· τέγγε πνεύμονασ οἴνῳ· τὸ γὰρ ἄστρον περιτέλλεται· ἁ δ’ ὡρ́α χαλεπά, πάντα δὲ δίψαισ1’ ὑπὸ καύματοσ. τοῦ δ’ ἐάροσ· ἦροσ ἀνθεμόεντοσ ἐπάιον ἐρχομένοιο. καὶ προελθών· ἐν δὲ κέρνατε τῶ μελιαδέοσ ὅττι τάχιστα κρατῆρα. ἐν δὲ τοῖσ συμπτώμασιν· οὐ χρὴ κακοῖσι θυμὸν ἐπιτρέπην. προκόψομεν γὰρ οὐδὲν ἀσάμενοι, ὦ Βυκχί· φάρμακον δ’ ἄριστον οἶνον ἐνεικαμένοισ μεθύσθην.

ἐν δὲ ταῖσ εὐφρόναισ· νῦν χρὴ μεθύσθην καί τινα πρὸσ βίαν πώνην, ἐπειδὴ κάτθανε Μυρσίλοσ. καὶ καθόλου δὲ συμβουλεύων φησὶν μηδὲν ἄλλο φυτεύσῃσ πρότερον δένδριον ἀμπέλω. πῶσ οὖν ἔμελλεν ὁ ἐπὶ τοσοῦτον φιλοπότησ νηφάλιοσ εἶναι καὶ καθ’ ἕνα καὶ δύο κυάθουσ πίνειν; αὐτὸ γοῦν τὸ ποιημάτιον, φησὶ Σέλευκοσ, ἀντιμαρτυρεῖ τοῖσ οὕτωσ ἐκδεχομένοισ. φησὶ γάρ· πίνωμεν·

τί τὰ λύχν’ ὀμμένομεν; δάκτυλοσ ἁμέρα. κὰδ δ’ ἀείρε κυλίχναισ μεγάλαισ, ἀίτα, ποικίλαισ· οἶνον γὰρ Σεμέλασ καὶ Διὸσ υἱὸσ λαθικαδέα ἀνθρώποισιν ἔδωκ’. ἔγχεε κέρναισ ἕνα καὶ δύο πλέαισ κὰκ κεφαλᾶσ· ἁ δ’ ἁτέρα τὰν ἁτέραν κύλιξ ὠθήτω, ἕνα πρὸσ δύο ῥητῶσ κιρνάναι κελεύων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 35

(아테나이오스, The Deipnosophists, Book 10, book 10, chapter 35)

상위

목록

SEARCH

MENU NAVIGATION