헬라어 텍스트

Athenaeus, The Deipnosophists, Book 10, book 10, chapter 74

(아테나이오스, The Deipnosophists, Book 10, book 10, chapter 74)

Δίφιλοσ δ’ ἐν Θησεῖ τρεῖσ ποτε κόρασ Σαμίασ φησὶν Ἀδωνίοισιν γριφεύειν παρὰ πότον προβαλεῖν δ’ αὐταῖσι τὸν γρῖφον, τί πάντων ἰσχυρότατον; καὶ τὰν μὲν εἰπεῖν ὁ σίδαροσ καὶ φέρειν τούτου λόγου τὰν ἀπόδειξιν, διότι τούτῳ πάντ’ ὀρύσσουσίν τε καί τέμνουσι καὶ χρῶντ’ εἰσ ἅπαντα, εὐδοκιμούσᾳ δ’ ἐπάγειν τὰν δευτέραν φάσκειν τε τὸν χαλκέα πολὺ κρείττω φέρειν ἰσχύν· ἐπεὶ τοῦτον κατεργαζόμενον καὶ τὸν σίδαρον τὸν σφοδρὸν κάμπτειν, μαλάσσειν, ὅ τι ἂν χρήζῃ ποεῖν. τὰν δὲ τρίταν ἀποφῆναι πέοσ ἰσχυρότατον πάντων, διδάσκειν δ’ ὅτι καὶ τὸν χαλκέα στένοντα πυγίζουσι τούτῳ. Ἀχαιὸσ δ’ ὁ Ἐρετριεὺσ γλαφυρὸσ ὢν ποιητὴσ περὶ τὴν σύνθεσιν ἔσθ’ ὅτε καὶ μελαίνει τὴν φράσιν καὶ πολλὰ αἰνιγματωδῶσ ἐκφέρει, ὥσπερ ἐν Ἴριδι σατυρικῇ. λέγει γάρ· λιθάργυροσ δ’ ὄλπη παρῃωρεῖτο χρίματοσ πλέα τὸν Σπαρτιάτην γραπτὸν κύρβιν ἐν διπλῷ ξύλῳ. τὸν γὰρ λευκὸν ἱμάντα βουληθεὶσ εἰπεῖν, ἐξ οὗ ἡ ἀργυρᾶ λήκυθοσ ἐξήρτητο, Σπαρτιάτην γραπτὸν ἔφη κύρβιν ἀντὶ τοῦ Σπαρτιᾶτιν σκυτάλην. ὅτι δὲ λευκῷ ἱμάντι περιειλοῦντεσ τὴν σκυτάλην οἱ Λάκωνεσ ἔγραφον ἃ ἠβούλοντο εἴρηκεν ἱκανῶσ Ἀπολλώνιοσ ὁ Ῥόδιοσ ἐν τῷ περὶ Ἀρχιλόχου, καὶ Στησίχοροσ δ’ ἐν Ἑλένῃ ’ λιθάργυρον ποδονιπτῆρα ἔφη.