Athenaeus, The Deipnosophists, Book 10, book 10, chapter 6

(아테나이오스, The Deipnosophists, Book 10, book 10, chapter 6)

ταῦτ’ εἴληφεν ὁ Εὐριπίδησ ἐκ τῶν τοῦ Κολοφωνίου ἐλεγείων Ξενοφάνουσ οὕτωσ εἰρηκότοσ ἀλλ’ εἰ μὲν ταχυτῆτι ποδῶν νίκην τισ ἄροιτο ἢ πενταθλεύων, ἔνθα Διὸσ τέμενοσ πὰρ Πίσαο ῥοῇσ1’ ἐν Ὀλυμπίῃ, εἴτε παλαίων ἢ καὶ πυκτοσύνην ἀλγινόεσσαν ἔχων, εἴτε τὸ· δεινὸν ἀέθλον ὃ παγκράτιον καλέουσιν, ἀστοῖσὶν κ’ εἰή κυδρότεροσ προσορᾶν καί κε προεδρίην φανερὴν ἐν ἀγῶσιν ἄροιτο καί κεν σῖτ’ εἰή δημοσίων κτεάνων ἐκ πόλιοσ καὶ δῶρον ὅ οἱ κειμήλιον εἰή· εἴτε καὶ ἵπποισιν, ταῦτά κε πάντα λάχοι, οὐκ ἐὼν ἄξιοσ ὥσπερ ἐγώ. ῥώμησ γὰρ ἀμείνων ἀνδρῶν ἠδ’ ἵππων ἡμετέρη σοφίη. ἀλλ’ εἰκῇ μάλα τοῦτο νομίζεται, οὐδὲ δίκαιον προκρίνειν ῥώμην τῆσ ἀγαθῆσ σοφίησ. οὔτε γὰρ εἰ πύκτησ ἀγαθῆσ λαοῖσι μετείη οὔτ’ εἰ πενταθλεῖν οὔτε παλαισμοσύνην, οὐδὲ μὲν εἰ ταχυτῆτι ποδῶν, τόπερ ἐστὶ πρότιμον ῥώμησ ὅσσ1’ ἀνδρῶν ἔργ’ ἐν ἀγῶνι πέλει, τοὔνεκεν ἂν δὴ μᾶλλον ἐν εὐνομίῃ πόλισ εἰή.

σμικρὸν δ’ ἄν τι πόλει χάρμα γένοιτ’ ἐπὶ τῷ, εἴ τισ ἀεθλεύων νικῷ Πίσαο παρ’ ὄχθασ·

οὐ γὰρ πιαίνει ταῦτα μυχοὺσ πόλεωσ. πολλὰ δὲ καὶ ἄλλα ὁ Ξενοφάνησ κατὰ τὴν ἑαυτοῦ σοφίαν ἐπαγωνίζεται, διαβάλλων ὡσ ἄχρηστον καὶ ἀλυσιτελὲσ τὸ τῆσ ἀθλήσεωσ εἶδοσ. καὶ ὁ Ἀχαιὸσ δὲ ὁ Ἐρετριεὺσ περὶ τῆσ εὐεξίασ τῶν ἀθλητῶν διηγούμενόσ φησι γυμνοὶ γὰρ ὀσφύν, φαιδίμουσ βραχίονασ ἥβῃ σφριγῶντεσ ἐμπορεύονται, νέῳ στίλβοντεσ ἄνθει καρτερὰσ ἐπωμίδασ· ἄδην δ’ ἐλαίου στέρνα κἀσπίδων κύτοσ χρίουσιν ὡσ ἔχοντεσ οἴκοθεν τρυφήν.

일치하는 문장이 없습니다.

SEARCH

MENU NAVIGATION