호흡부호 보기
강세부호 보기
장단부호 보기
작은 Iota 보기
모든 부호 보기
Ἡράκλειτοσ δ’ ἐν τῷ Ξενίζοντι Ἑλένην φησί τινα γυναῖκα πλεῖστα βεβρωκέναι. Ποσείδιπποσ δ’ ἐν ἐπιγράμμασι Φυρόμαχον, εἰσ ὃν καὶ τόδ’ ἐπέγραψε· Φυρόμαχον τὸν πάντα φαγεῖν βορόν, οἱᾶ κορώνην παννυχικήν, αὕτη ῥωγὰσ ἔχει κάπετοσ χλαίνησ ἐν τρύχει Πελληνίδοσ. ἀλλὰ σὺ τούτου καὶ χρῖε στήλην, Ἀττικέ, καὶ στεφάνου, εἴ ποτέ σοι προκύων συνεκώμασεν. ἦλθε δ’ ὁ μαυρὰ βλέψασ ἐκ πελίων νωδὸσ ἐπισκυνίων, ὁ τριχιδιφθερίασ, μονολήκυθοσ· ἐκ γὰρ ἀγώνων τῶν τότε ληναίην ἦλθ’ ὑπὸ Καλλιόπην. Ἀμάραντοσ δὲ ὁ Ἀλεξανδρεὺσ ἐν τοῖσ περὶ σκηνῆσ Ἡρόδωρόν φησι τὸν Μεγαρέα σαλπιγκτὴν γενέσθαι τὸ μὲν μέγεθοσ πηχῶν τριῶν καὶ ἡμίσουσ, εἶναι δὲ καὶ τὰσ πλευρὰσ ἰσχυρόν ἐσθίειν δὲ ἄρτων μὲν χοίνικασ ἕξ, κρεῶν δὲ λίτρασ εἴκοσιν οἱών ἂν εὑρήκῃ·
πίνειν δὲ χοᾶσ δύο καὶ σαλπίζειν ἅμα σάλπιγξι δυσί. κοιμᾶσθαι δὲ ἔθοσ εἶχεν ἐπὶ λεοντῆσ μόνησ, ἐσήμαινε δὲ σαλπίζων μέγιστον. Ἄργοσ γοῦν πολιορκοῦντοσ Δημητρίου τοῦ Ἀντιγόνου καὶ οὐ δυναμένων τῶν στρατιωτῶν τὴν ἑλέπολιν προσαγαγεῖν τοῖσ τείχεσι διὰ τὸ βάροσ, ταῖσ δύο σάλπιγξι σημαίνων ὑπὸ τῆσ ἁδρότητοσ τοῦ ἤχου τοὺσ στρατιώτασ ἠνάγκασε προθυμηθέντασ προσαγαγεῖν τὴν μηχανήν.
ἐνίκησε δὲ τὴν περίοδον δεκάκισ καὶ ἐδείπνει καθήμενοσ, ὡσ ἱστορεῖ Νέστωρ ἐν τοῖσ θεατρικοῖσ ὑπομνήμασι. καὶ γυνὴ δὲ ἐσάλπισεν Ἀγλαΐσ ἡ Μεγακλέουσ ἐν τῇ πρώτῃ ἀχθείσῃ μεγάλῃ πομπῇ ἐν Ἀλεξανδρείᾳ, τὸ πομπικόν, περιθέτην ἔχουσα καὶ λόφον ἐπὶ τῆσ κεφαλῆσ, ὡσ δηλοῖ Ποσείδιπποσ ἐν ἐπιγράμμασιν. ἤσθιε δὲ καὶ αὐτὴ λίτρασ μὲν κρεῶν δώδεκα, ἄρτων δὲ χοίνικασ τέσσαρασ καὶ ἔπινεν οἴνου χοᾶ.
호흡부호 보기
강세부호 보기
장단부호 보기
작은 Iota 보기
모든 부호 보기