Athenaeus, The Deipnosophists, Book 10, book 10, chapter 49

(아테나이오스, The Deipnosophists, Book 10, book 10, chapter 49)

Χάρησ δ’ ὁ Μυτιληναῖοσ ἐν ταῖσ περὶ Ἀλέξανδρον ἱστορίαισ περὶ Καλάνου εἰπὼν τοῦ Ἰνδοῦ φιλοσόφου, ὅτι ῥίψασ ἑαυτὸν εἰσ πυρὰν νενημένην ἀπέθανε, φησὶν ὅτι καὶ ἐπὶ τῷ μνήματι αὐτοῦ διέθηκεν Ἀλέξανδροσ γυμνικὸν ἀγῶνα καὶ μουσικὸν ἐγκωμίων. ’ ἔθηκε δέ, ’ φησί, ̔καὶ διὰ τὴν φιλοινίαν τῶν Ἰνδῶν καὶ ἀκρατοποσίασ ἀγῶνα, καὶ ἦν ἆθλον τῷ μὲν πρώτῳ τάλαντον, τῷ δὲ δευτέρῳ τριάκοντα μναῖ καὶ τῷ τρίτῳ δέκα. τῶν οὖν πιόντων τὸν οἶνον παραχρῆμα μὲν ἐτελεύτησαν ὑπὸ τοῦ ψύχουσ τριάκοντα καὶ πέντε, μικρὸν δὲ διαλιπόντεσ ἐν ταῖσ σκηναῖσ ἕξ. ὁ δὲ πλεῖστον πιὼν καὶ νικήσασ ἔπιε μὲν ἀκράτου χοᾶσ τέσσαρασ καὶ τὸ τάλαντον ἔλαβεν, ἐπεβίωσε δὲ ἡμέρασ τέσσαρασ· ἐκαλεῖτο δὲ Πρόμαχοσ.

Τίμαιοσ δέ φησιν ὡσ ’ Διονύσιοσ ὁ τύραννοσ τῇ τῶν Χοῶν ἑορτῇ τῷ πρώτῳ ἐκπιόντι χοᾶ ἆθλον ἔθηκε στέφανον χρυσοῦν· καὶ ὅτι πρῶτοσ ἐξέπιε Ξενοκράτησ ὁ φιλόσοφοσ καὶ λαβὼν τὸν χρυσοῦν στέφανον καὶ ἀναλύων τῷ Ἑρμῇ τῷ ἱδρυμένῳ ἐπὶ τῆσ αὐλῆσ ἐπέθηκεν, ᾧπερ εἰώθει καὶ τοὺσ ἀνθινοὺσ ἑκάστοτε ἐπιτιθέναι στεφάνουσ ἑσπέρασ ἀπαλλασσόμενοσ ὡσ αὑτόν, καὶ ἐπὶ τούτῳ ἐθαυμάσθη. ’ τὴν δὲ τῶν Χοῶν ἑορτὴν τὴν Ἀθήνησιν ἐπιτελουμένην Φανόδημόσ φησι Δημοφῶντα τὸν βασιλέα. . , βουλόμενον ὑποδέξασθαι παραγενόμενον τὸν ’ Ὀρέστην Ἀθήναζε. πρὸσ δὲ τὰ ἱερὰ οὐ θέλων αὐτὸν προσιέναι οὐδ’ ὁμόσπονδον γενέσθαι μήπω δικασθέντα ἐκέλευσε συγκλεισθῆναί τε τὰ ἱερὰ καὶ χοᾶ οἴνου ἑκάστῳ παρατεθῆναι, τῷ πρώτῳ ἐκπιόντι εἰπὼν ἆθλον δοθήσεσθαι πλακοῦντα, παρήγγειλέ τε καὶ τοῦ πότου παυσαμένουσ τοὺσ μὲν στεφάνουσ οἷσ ἐστεφάνωντο πρὸσ τὰ ἱερὰ μὴ τιθέναι διὰ τὸ ὁμορόφουσ γενέσθαι τῷ Ὀρέστῃ, περὶ δὲ τὸν χοᾶ τὸν ἑαυτοῦ ἕκαστον περιθεῖναι καὶ τῇ ἱερείᾳ ἀποφέρειν τοὺσ στεφάνουσ πρὸσ τὸ ἐν Λίμναισ τέμενοσ, ἔπειτα θύειν ἐν τῷ ἱερῷ τὰ ἐπίλοιπα, καὶ ἔκτοτε τὴν ἑορτὴν κληθῆναι Χοᾶσ.

τῇ δὲ ἑορτῇ τῶν Χοῶν ἔθοσ ἐστὶν Ἀθήνησι πέμπεσθαι δῶρά τε καὶ τοὺσ μισθοὺσ τοῖσ σοφισταῖσ, οἵπερ καὶ αὐτοὶ συνεκάλουν ἐπὶ ξένια τοὺσ γνωρίμουσ, ὥσ φησιν Εὐβουλίδησ ὁ διαλεκτικὸσ ἐν δράματι. Κωμασταῖσ οὕτωσ·

τῶν μισθοδώρων οὐκ ἀδείπνων ἐν τρυφῇ.

일치하는 문장이 없습니다.

SEARCH

MENU NAVIGATION