호흡부호 보기
강세부호 보기
장단부호 보기
작은 Iota 보기
모든 부호 보기
προπόσεισ δὲ τὰσ γινομένασ ἐν τοῖσ συμποσίοισ Λακεδαιμονίοισ οὐκ ἦν ἔθοσ ποιεῖν οὐδὲ φιλοτησίασ διὰ τούτων πρὸσ ἀλλήλουσ ποιεῖσθαι. δηλοῖ δὲ ταῦτα Κριτίασ ἐν τοῖσ ἐλεγείοισ· καὶ τόδ’ ἔθοσ Σπάρτῃ μελέτημά τε κείμενὸν ἐστι πίνειν τὴν αὐτὴν οἰνοφόρον κύλικα, μηδ’ ἀποδωρεῖσθαι προπόσεισ ὀνομαστὶ λέγοντα μηδ’ ἐπὶ δεξιτερὰν χεῖρα κύκλῳ θιάσου. ἄγγε’ ἃ Λυδὴ χεὶρ εὑρ͂’ Ἀσιατογενὴσ καὶ προπόσεισ ὀρέγειν ἐπὶ δεξιὰ καὶ προκαλεῖσθαι ἐξονομακλήδην ᾧ προπιεῖν ἐθέλει. εἶτ’ ἀπὸ τοιούτων πόσεων γλώσσασ τε λύουσιν εἰσ αἰσχροὺσ μύθουσ σῶμά τ’ ἀμαυρότερον τεύχουσιν πρὸσ δ’ ὄμμ’ ἀχλὺσ ἀμαλωπὸσ ἐφίζει· λῆστισ δὲ ἐκτήκει μνημοσύνην πραπίδων νοῦσ δὲ παρέσφαλται· ·
δμῶεσ δ’ ἀκόλαστον ἔχουσιν ἦθοσ· ἐπεισπίπτει δ’ οἰκοτριβὴσ δαπάνη. οἱ Λακεδαιμονίων δὲ κόροι πίνουσι τοσοῦτον ὥστε φρέν’ εἰσ ἱλαρὰν ἐλπίδα πάντασ ἄγειν εἴσ τε φιλοφροσύνην γλῶσσαν μέτριόν τε γέλωτα. τοιαύτη δὲ πόσισ σώματί τ’ ὠφέλιμοσ γνώμῃ τε κτήσει τε· καλῶσ δ’ εἰσ ἔργ’ Ἀφροδίτησ πρόσ θ’ ὕπνον ἡρ́μοσται, τὸν καμάτων λιμένα, πρὸσ τὴν τερπνοτάτην τε θεῶν θνητοῖσ Ὑγίειαν, καὶ τὴν Εὐσεβίησ γείτονα Σωφροσύνην. ἑξῆσ τε πάλιν φησὶν αἱ γάρ ὑπὲρ τὸ μέτρον κυλίκων προπόσεισ παραχρῆμα τέρψασαι λυποῦσ1’ εἰσ τὸν ἅπαντα χρόνον.
ἡ Λακεδαιμονίων δὲ δίαιθ’ ὁμαλῶσ διάκειται, ἔσθειν καὶ πίνειν σύμμετρα πρὸσ τὸ φρονεῖν καὶ τὸ πονεῖν εἶναι δυνατούσ·
οὔκ ἐστ’ ἀπότακτοσ ἡμέρα οἰνῶσαι σῶμ’ ἀμέτροισι πότοισ.
호흡부호 보기
강세부호 보기
장단부호 보기
작은 Iota 보기
모든 부호 보기