호흡부호 보기
강세부호 보기
장단부호 보기
작은 Iota 보기
모든 부호 보기
Νικόλαοσ δ’ ὁ περιπατητικὸσ ἐν τῇ τρίτῃ πρὸσ ταῖσ ἑκατὸν τῶν ἱστοριῶν Μιθριδάτην φησὶ τὸν Ποντικὸν βασιλέα προθέντα ἀγῶνα πολυφαγίασ καὶ πολυποσίασ ἦν δὲ τὸ ἆθλον τάλαντον ἀργυρίου ἀμφότερα νικῆσαι. τοῦ μέντοι ἄθλου ἐκστῆναι τῷ μετ’ αὐτὸν κριθέντι Καλαμόδρυι τῷ Κυζικηνῷ ἀθλητῇ, καὶ Τιμοκρέων δ’ ὁ Ῥόδιοσ ποιητὴσ καὶ ἀθλητὴσ πένταθλοσ ἄδην ἔφαγε καὶ ἔπιεν, ὡσ τὸ ἐπὶ τοῦ τάφου αὐτοῦ ἐπίγραμμα δηλοῖ· πολλὰ πιὼν καὶ πολλὰ φαγὼν καὶ πολλὰ κάκ’ εἰπὼν ἀνθρώπουσ κεῖμαι Τιμοκρέων Ῥόδιοσ. Θρασύμαχοσ δ’ ὁ Χαλκηδόνιοσ ἔν τινι τῶν προοιμίων τὸν Τιμοκρέοντά φησιν ὡσ μέγαν βασιλέα ἀφικόμενον καὶ ξενιζόμενον παρ’ αὐτῷ πολλὰ ἐμφορεῖσθαι.
πυθομένου δὲ τοῦ βασιλέωσ ὅ τι ἀπὸ τούτων ἐργάζοιτο, εἶπε Περσῶν ἀναριθμήτουσ συγκόψειν. καὶ τῇ ὑστεραίᾳ πολλοὺσ καθ’ ἕνα νικήσασ μετὰ τοῦτο ἐχειρονόμησε. πυνθανομένου δὲ τὴν πρόφασιν ὑπολείπεσθαι· ἔφη τοσαύτασ, εἰ προσίοι τισ, πληγάσ. Κλέαρχοσ δ’ ἐν πέμπτῳ βίων Καντιβάρι φησὶ τῷ Πέρσῃ, ὁπότε κοπιάσειε τὰσ σιαγόνασ ἐσθίων, κεχηνότι καθάπερ εἰσ ἄψυχον ἀγγεῖον εἰσαντλεῖν τὴν τροφὴν τοὺσ οἰκείουσ. Ἑλλάνικοσ δ’ ἐν α’ Δευκαλιωνείασ Ἐρυσίχθονά φησι τὸν Μυρμιδόνοσ, ὅτι ἦν ἄπληστοσ βορᾶσ Αἴθωνα κληθῆναι.
εἶναι καὶ Σιτοῦσ Δήμητροσ ἄγαλμα, οὗ πλησίον ἱδρῦσθαι καὶ Ἱμαλίδοσ, καθάπερ ἐν Δελφοῖσ Εὐνόστου, ἐν δὲ Σκώλῳ τῷ Βοιωτιακῷ Μεγαλάρτου καὶ Μεγαλομάζου.
호흡부호 보기
강세부호 보기
장단부호 보기
작은 Iota 보기
모든 부호 보기