헬라어 텍스트

Athenaeus, The Deipnosophists, Book 10, book 10, chapter 12

(아테나이오스, The Deipnosophists, Book 10, book 10, chapter 12)

καὶ Φαρσάλιοι δὲ κωμῳδοῦνται ὡσ πολυφάγοι. Μνησίμαχοσ γοῦν ἐν Φιλίππῳ φησί· τῶν Φαρσαλίων ἥκει τισ ἵνα καὶ τὰσ τραπέζασ καταφάγῃ; β. οὐδεὶσ πάρεστιν. α. εὖ γε δρῶντεσ. ἆρά που ὀπτὴν κατεσθίουσι πόλιν Ἀχαικήν; ὅτι δὲ καὶ πάντεσ Θετταλοὶ ὡσ πολυφάγοι διεβάλλοντο Κράτησ φησὶν ἐν Λαμίᾳ· ἔπη τριπήχη Θετταλικῶσ τετμημένα. τοῦτο δ’ εἶπεν ὡσ τῶν Θετταλῶν μεγάλα κρέα τεμνόντων. φιλέταιροσ δ’ ἐν Λαμπαδηφόροισ· καὶ χειροβαρὲσ σαρκὸσ ὑείασ Θετταλότμητον κρέασ. ἔλεγον δὲ καὶ Θετταλικὴν ἔνθεσιν τὴν μεγάλην. Ἕρμιπποσ Μοίραισ· ὁ Ζεὺσ δὲ τούτων οὐδὲν ἐνθυμούμενοσ μύων ξυνέπλαττε Θετταλικὴν τιν’ ἔνθεσιν.

ταῦτα δὲ καπανικὰ εἴρηκεν Ἀριστοφάνησ ἐν Ταγηνισταῖσ· τί πρὸσ τὰ Λυδῶν δεῖπνα καὶ τὰ Θετταλῶν; β. τὰ Θετταλικὰ μὲν πολὺ καπανικώτερα; οἱο͂ν τὰ ἁμαξιαῖα· Θετταλοὶ γὰρ τὰσ ἀπήνασ καπάνασ ἔλεγον. Ξέναρχοσ Σκύθαισ· ἑπτὰ δὲ καπάνασ ἔτρεφον εἰσ Ὀλύμπια.

β. τί λέγεισ; καπάνασ; πῶσ; Α. καπάνασ Θετταλοὶ πάντεσ καλοῦσι τὰσ ἀπήνασ. β. μανθάνω.