헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 71)

καὶ Ἄλεξισ δὲ ἐν Ὕπνῳ τοιούτουσ γρίφουσ προβάλλει· οὐ θνητὸσ οὐδ’ ἀθάνατοσ, ἀλλ’ ἔχων τινὰ σύγκρασιν, ὥστε μήτ’ ἐν ἀνθρώπου μέρει μήτ’ ἐν θεοῦ ζῆν, ἀλλὰ φύεσθαὶ τ’ ἀεὶ καινῶσ φθίνειν τε τὴν παρουσίαν πάλιν, ἀόρατοσ ὄψιν, γνώριμοσ δ’ ἅπασιν ὤν. β. αἰεὶ σὺ χαίρεισ, ὦ γύναι, μ’ αἰνίγμασι α. καὶ μὴν ἁπλᾶ γε καὶ σαφῆ λέγω μαθεῖν. β. τίσ οὖν τοιαύτην παῖσ ἔχων ἔσται φύσιν; α. ὕπνοσ, βροτείων, ὦ κόρη, παυστήρ πόνων. Εὔβουλοσ δ’ ἐν Σφιγγοκαρίωνι τοιούτουσ γρίφουσ προβάλλει, αὐτὸσ καὶ ἐπιλύων αὐτούσ· ἔστι λαλῶν ἄγλωσσοσ, ὁμώνυμοσ ἄρρενι θῆλυσ, οἰκείων ἀνέμων ταμίασ, δασύσ, ἄλλοτε λεῖοσ, ἀξύνετα ξυνετοῖσι λέγων, νόμον ἐκ νόμου ἕλκων ἓν δ’ ἐστὶν καὶ πολλὰ καὶ ἂν τρώσῃ τισ ἄτρωτοσ. τί ἐστι τοῦτο;

τί ἀπορεῖσ; β. Καλλίστρατοσ. α. πρωκτὸσ μὲν οὖν οὗτοσ γε. Β. σὺ δὲ ληρεῖσ ἔχων. α. οὗτοσ γὰρ αὑτόσ ἐστιν ἄγλωττοσ λάλοσ, ἓν ὄνομα πολλοῖσ, τρωτὸσ ἄτρωτοσ, δασὺσ λεῖοσ. τί βούλει; πνευμάτων· πολλῶν φύλαξ ἀττελεβόφθαλμοσ, μὴ πρόστομοσ, ἀμφικέφαλλοσ, αἰχμητήσ, παίδων ἀγόνων γόνον ἐξαφανίζων. ἰχνεύμων Αἰγύπτιοσ·

τῶν γὰρ κροκοδείλων οὗτοσ ᾠὰ λαμβάνων πρὶν θηριοῦσθαι τὸν γόνον καταγνύει, ἔπειτ’ ἀφανίζει, διότι δ’ ἔστ’ ἀμφίστομοσ, κεντεῖ κάτωθεν, τοῖσ δὲ χείλεσιν δάκνων οἶδ’ ἐγὼ ὃσ υ νέοσ ὤν ἐστιν βαρύσ, ἂν δὲ γέρων, ἄπτεροσ ὢν κούφωσ πέταται καὶ γῆν ἀφανίζει. πάπποσ ἀπ’ ἀκάνθησ·

οὗτοσ γὰρ νέοσ μὲν ὢν ἕστηκεν ἐν τῷ σπέρματι, ὅταν δ’ ἀποβάλῃ τοῦτο, πέτεται κοῦφοσ ὤν, δήπουθεν ὑπὸ τῶν παιδίων φυσώμενοσ. ἔστιν ἄγαλμα βεβηκὸσ ἄνω, τὰ κάτω δὲ κεχηνόσ, εἰσ πόδασ ἐκ κεφαλῆσ τετρημένον ὀξὺ διαπρό, ἀνθρώπουσ τίκτον κατὰ τὴν πυγὴν ἕν’ ἕκαστον, ὧν οἱ μὲν μοίρασ ἔλαχον βίου, οἱ δὲ πλανῶνται, αὐτὸσ ἕκαστοσ ἔχων θαὐτοῦ, καλέων δὲ φυλάττειν. ταῦτα δ’ ὅτι κληρωτικὸν σημαίνει ὑμεῖσ διακρίνατε, ἵνα μὴ πάντα παρὰ τοῦ Εὐβούλου λαμβάνωμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 10, book 10, chapter 71

(아테나이오스, The Deipnosophists, Book 10, book 10, chapter 71)

상위

목록

SEARCH

MENU NAVIGATION