헬라어 텍스트

Athenaeus, The Deipnosophists, Book 10, book 10, chapter 30

(아테나이오스, The Deipnosophists, Book 10, book 10, chapter 30)

δ’ αἱ τῶν ἀκροατῶν ἐπιχύσεισ, ὥσ φησι Θεόφραστοσ ἐν τῷ περὶ μέθησ, οὐ παλαιαί6· ἀλλ’ ἦν ἀπ’ ἀρχῆσ τὸ μὲν σπένδειν ἀποδεδομένον τοῖσ θεοῖσ, ὁ δὲ κότταβοσ τοῖσ ἐρωμένοισ. ἐχρῶντο γὰρ ἐπιμελῶσ τῷ κοτταβίζειν ὄντοσ τοῦ παιγνίου Σικελικοῦ, καθάπερ καὶ Ἀνακρέων ὁ Τήιοσ πεποίηκε· Σικελὸν κότταβον ἀγκύλῃ λατάζων. διὸ καὶ τὰ σκολιὰ καλούμενα μέλη τῶν ἀρχαίων ποιητῶν πλήρη ἐστί· λέγω δ’ οἱο͂ν καὶ Πίνδαροσ πεποίηκε χάριτάσ τ’ ι Ἀφροδισίων ἐρώτων, ὄφρα σὺν Χειμάρῳ τε μεθύω Ἀγάθωνι τ’ ἰάλω κότταβον. τοῖσ δὲ τετελευτηκόσι τῶν φίλων ἀπένεμον τὰ πίπτοντα τῆσ τροφῆσ ἀπὸ τῶν τραπεζῶν διὸ καὶ Εὐριπίδησ περὶ τῆσ Σθενεβοίασ φησίν, ἐπειδὴ νομίζει τὸν Βελλεροφόντην τεθνάναι·

πεσὸν δέ νιν λέληθεν οὐδὲν ἐκ χερόσ, ἀλλ’ εὐθὺσ αὐδᾷ ’ τῷ Κορινθίῳ ξένῳ.