Athenaeus, The Deipnosophists, Book 10, book 10, chapter 87

(아테나이오스, The Deipnosophists, Book 10, book 10, chapter 87)

ταῦτα μὲν οὖν Κλέαρχοσ εἴρηκε. καὶ ἃ προβάλλειν δεῖ τοιαῦτά τινα εἶναι ἡγοῦμαι· στίχον εἰπεῖν Ὁμηρικὸν ἀπὸ τοῦ ἄλφα ἀρχόμενον καὶ εἰσ τὸ αὐτὸ στοιχεῖον καταλήγοντα ἀγχοῦ δ’ ἱσταμένη ἔπεα πτερόεντα προσηύδα. ἀλλ’ ἄγε νῦν μάστιγα καὶ ἡνία σιγαλόεντα. ἀσπίδασ εὐκύκλουσ λαισήιά τε πτερόεντα. καὶ πάλιν ὁμοίωσ ἰαμβεῖα ἀγαθὸσ ἀνήρ λέγοιτ’ ἂν ὁ φέρων τἀγαθά ἀγαθὸσ ἂν εἰή χὠ φέρων καλῶσ κακά. Ὁμηρικοὶ ἀπὸ τοῦ ε ἐπὶ τὸ ε·

εὑρ͂ε Λυκάονοσ υἱὸν ἀμύμονά τε κρατερόν τε. ἐν πόλει ὑμετέρῃ, ἐπεὶ οὐκ ἄρ’ ἔμελλον ἔγωγε. ὁμοίωσ καὶ ἰαμβεῖα εὐκαταφρόνητόσ ἐστι πενία, Δερκύλε, ἐπὶ τοῖσ παροῦσι τὸν βίον διάπλεκε. Ὁμήρου ἀπὸ η ἐπὶ τὸ η· ἡ μὲν ἄρ’ ὣσ εἰποῦσ1’ ἀπέβη γλαυκῶπισ Ἀθήνη. ἡ δ’ ἐν γούνασι πῖπτε Διώνησ δῖ’ Ἀφροδίτη, ἰάμβοι·

ἡ τῶν φίλων σοι πίστισ ἔστω κεκριμένη. ἀπὸ τοῦ ἐπὶ τὸ Ὁμήρου· Ἰλίου ἐξαπολοίατ’ ἀκήδεστοι καὶ ἄφαντοι. Ἱππόλοχοσ δὲ μ’ ἔτικτε καὶ ἐκ τοῦ φημι γενέσθαι. ἀπὸ τοῦ σ εἰσ τὸ σ συμπάντων Δαναῶν, οὐδ’ ἢν Ἀγαμέμνονα εἴπῃσ. σοφόσ ἐστιν ὁ φέρων τἀπὸ τῆσ τύχησ καλῶσ. ἀπὸ τοῦ ω εἰσ τὸ ω·

ὡσ δ’ ὅτ’ ἀπ’ Οὐλύμπου νέφοσ ἔρχεται οὐρανὸν εἴσω. ὠρθωμένην πρὸσ ἅπαντα τὴν ψυχὴν ἔχω. προβάλλειν δὲ δεῖ καὶ στίχουσ ἀσίγμουσ οἱο͂ν· πάντ’ ἐθέλω δόμεναι καὶ ἔτ’ οἰκόθεν ἄλλ’ ἐπιθεῖναι. καὶ πάλιν στίχουσ Ὁμηρικοὺσ ἀπὸ τῆσ πρώτησ συλλαβῆσ καὶ τῆσ ἐσχάτησ δηλοῦντασ ὄνομα οἱο͂ν Αἰάσ δ’ ἐκ Σαλαμῖνοσ ἄγεν δύο καὶ δέκα νῆασ. Φυλείδησ, ὃν τίκτε Διὶ φίλοσ ἱππότα Φυλεύσ.

ἰητῆρ’ ἀγαθώ, Ποδαλείριοσ ἠδὲ Μαχάων. Ιὤν. εἰσὶ καὶ ἄλλοι στίχοι Ὁμηρικοὶ δηλοῦντεσ σκευῶν ὀνόματα ἀπὸ τῆσ πρώτησ καὶ ἐσχάτησ συλλαβῆσ οἰο͂ν· ὀλλυμένων Δαναῶν ὀλοφύρεται ἐν φρεσὶ θυμόσ, ὅλμοσ. μυθεῖται κατὰ μοῖραν ἅπερ κ’ οἰοίτο καὶ ἄλλοσ. μύλοσ. λυγρὸσ ἐὼν μή που τι κακὸν καὶ μεῖζον ἐπαύρῃ. λύρη.

ἄλλοι στίχοι δηλοῦντεσ ἀπὸ τῆσ ἀρχῆσ καὶ τοῦ τέλουσ τῶν ἐδωδίμων τί · ἀργυρόπεζα Θέτισ, θυγάτηρ ἁλίοιο γέροντοσ, ἄρτοσ. μή τι σὺ ταῦτα ἕκαστα διείρεο μηδὲ μετάλλα, μῆλα. ἐπεὶ δὲ ἱκανὴν παρέκβασιν πεποιήμεθα περὶ τῶν γρίφων, λεκτέον ἤδη καὶ τίνα κόλασιν ὑπέμενον οἱ μὴ λύσαντεσ τὸν προτεθέντα γρῖφον.

일치하는 문장이 없습니다.

SEARCH

MENU NAVIGATION