헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 18)

καὶ Μνησίμαχοσ δὲ ἐν Φιλίππῳ διὰ τὸν ὑπερβάλλοντα κόρον ἐν τοῖσ δείπνοισ παράγει τι συμπόσιον πολέμου παρασκευὴν ἐπαγγελλόμενον καὶ ἀληθῶσ κατὰ τὸν χαριέστατον Ξενοφῶντα πολέμου ἐργαστήριον. λέγει δ’ οὕτωσ· ἆρ’ οἶσθα σὺ ὁτιὴ πρὸσ ἄνδρασ ἐστί σοι μαχητέον οἳ τὰ ξίφη δειπνοῦμεν ἠκονημένα, ὁ ὄψον δὲ δᾷδασ ἡμμένασ καταπίνομεν; ἐντεῦθεν εὐθὺσ ἐπιφέρει τραγήματα ἡμῖν ὁ παῖσ μετὰ δεῖπνον ἀκίδασ Κρητικάσ, ὥσπερ ἐρεβίνθουσ, δορατίων τε λείψανα κατεαγότ’, ἀσπίδασ δὲ προσκεφάλαια καὶ καὶ θώρακασ ἔχομεν, πρὸσ ποδῶν δὲ σφενδόνασ τόξα, καταπέλταισι δ’ ἐστεφανώμεθα. καὶ ὁ Κολοφώνιοσ δὲ Φοῖνιξ φησὶν Νίνου κάδοι μάχαιρα καὶ κύλιξ αἰχμή, κόμη δὲ τόξα, δήιοι δὲ κρητῆρεσ, ἵπποι δὲ ἄκρητοσ κἀλαλὴ ’ μύρον χεῖτε.

’ ἐν δὲ τῷ Παρασίτῳ Ἄλεξισ περὶ πολυφάγου τινὸσ διαλεγόμενόσ φησι· καλοῦσι δ’ αὐτὸν πάντεσ οἱ νεώτεροι παράσιτον ὑποκόρισμα· τῷ δ’ οὐδὲν μέλει. δειπνεῖ δ’ ἄφωνοσ Τήλεφοσ, νεύων μόνον πρὸσ τοὺσ ἐπερωτῶντάσ τι, ὥστε πολλάκισ αὐτὸν ὁ κεκληκὼσ τὰ Σαμοθρᾴκι’ εὔχεται λῆξαι πνέοντα καὶ γαληνίσαι ποτέ. χειμὼν ὁ μειρακίσκοσ ἐστὶ τοῖσ φίλοισ. Δίφιλοσ δ’ ἐν Ἡρακλεῖ περί τινοσ τῶν ὁμοίων διαλεγόμενοσ διέξεισιν ἐμὲ μὲν οὐχ ὁρᾷσ πεπωκότα ἤδη τ’ ἀκροθώρακ’ ὄντα καὶ θυμούμενον, τονδὶ δὲ ναστὸν Ἀστερίωνοσ μείζονα ἤδη σχεδὸν δωδέκατον ἠριστηκότα;

διὸ καλῶσ ἔλεγεν ὁ Βορυσθενίτησ Βίων οὐ δεῖν ἀπὸ τῆσ τραπέζησ τὰσ ἡδονὰσ πορίζεσθαι, ἀλλ’ ἀπὸ τοῦ φρονεῖν. ὁ δ’ Εὐριπίδησ φησί φαύλῃ διαίτῃ προσβαλὼν ἥσθη στόμα, ὡσ τῆσ ἀπὸ τῶν προσφορῶν τέρψεωσ περὶ τὸ στόμα μᾶλλον γινομένησ. Αἰσχύλοσ τ’ ἐν Φινεῖ·

καὶ ψευδόδειπνα πολλὰ μαργώσησ γνάθου ἐρρυσίαζον στόματοσ ἐν πρώτῃ χαρᾷ. ἐν Σθενεβοίᾳ δ’ ὁ Εὐριπίδησ περὶ εὐτελείασ λέγων· βίοσ δὲ πορφυρέωσ θαλάσσιοσ, οὐκ εὐτράπεζοσ, ἀλλ’ ἐπάκτιοι φάτναι. ὑγρὰ δὲ μήτηρ, οὐ πεδοστιβὴσ τροφὸσ θάλασσα·

τήνδ’ ἀροῦμεν, ἐκ ταύτησ βίοσ βρόχοισι καὶ πέδαισιν οἴκαδ’ ἔρχεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 18

(아테나이오스, The Deipnosophists, Book 10, book 10, chapter 18)

상위

목록

SEARCH

MENU NAVIGATION