호흡부호 보기
강세부호 보기
장단부호 보기
작은 Iota 보기
모든 부호 보기
καὶ Μνησίμαχοσ δὲ ἐν Φιλίππῳ διὰ τὸν ὑπερβάλλοντα κόρον ἐν τοῖσ δείπνοισ παράγει τι συμπόσιον πολέμου παρασκευὴν ἐπαγγελλόμενον καὶ ἀληθῶσ κατὰ τὸν χαριέστατον Ξενοφῶντα πολέμου ἐργαστήριον. λέγει δ’ οὕτωσ· ἆρ’ οἶσθα σὺ ὁτιὴ πρὸσ ἄνδρασ ἐστί σοι μαχητέον οἳ τὰ ξίφη δειπνοῦμεν ἠκονημένα, ὁ ὄψον δὲ δᾷδασ ἡμμένασ καταπίνομεν; ἐντεῦθεν εὐθὺσ ἐπιφέρει τραγήματα ἡμῖν ὁ παῖσ μετὰ δεῖπνον ἀκίδασ Κρητικάσ, ὥσπερ ἐρεβίνθουσ, δορατίων τε λείψανα κατεαγότ’, ἀσπίδασ δὲ προσκεφάλαια καὶ καὶ θώρακασ ἔχομεν, πρὸσ ποδῶν δὲ σφενδόνασ τόξα, καταπέλταισι δ’ ἐστεφανώμεθα. καὶ ὁ Κολοφώνιοσ δὲ Φοῖνιξ φησὶν Νίνου κάδοι μάχαιρα καὶ κύλιξ αἰχμή, κόμη δὲ τόξα, δήιοι δὲ κρητῆρεσ, ἵπποι δὲ ἄκρητοσ κἀλαλὴ ’ μύρον χεῖτε.
’ ἐν δὲ τῷ Παρασίτῳ Ἄλεξισ περὶ πολυφάγου τινὸσ διαλεγόμενόσ φησι· καλοῦσι δ’ αὐτὸν πάντεσ οἱ νεώτεροι παράσιτον ὑποκόρισμα· τῷ δ’ οὐδὲν μέλει. δειπνεῖ δ’ ἄφωνοσ Τήλεφοσ, νεύων μόνον πρὸσ τοὺσ ἐπερωτῶντάσ τι, ὥστε πολλάκισ αὐτὸν ὁ κεκληκὼσ τὰ Σαμοθρᾴκι’ εὔχεται λῆξαι πνέοντα καὶ γαληνίσαι ποτέ. χειμὼν ὁ μειρακίσκοσ ἐστὶ τοῖσ φίλοισ. Δίφιλοσ δ’ ἐν Ἡρακλεῖ περί τινοσ τῶν ὁμοίων διαλεγόμενοσ διέξεισιν ἐμὲ μὲν οὐχ ὁρᾷσ πεπωκότα ἤδη τ’ ἀκροθώρακ’ ὄντα καὶ θυμούμενον, τονδὶ δὲ ναστὸν Ἀστερίωνοσ μείζονα ἤδη σχεδὸν δωδέκατον ἠριστηκότα;
διὸ καλῶσ ἔλεγεν ὁ Βορυσθενίτησ Βίων οὐ δεῖν ἀπὸ τῆσ τραπέζησ τὰσ ἡδονὰσ πορίζεσθαι, ἀλλ’ ἀπὸ τοῦ φρονεῖν. ὁ δ’ Εὐριπίδησ φησί φαύλῃ διαίτῃ προσβαλὼν ἥσθη στόμα, ὡσ τῆσ ἀπὸ τῶν προσφορῶν τέρψεωσ περὶ τὸ στόμα μᾶλλον γινομένησ. Αἰσχύλοσ τ’ ἐν Φινεῖ·
καὶ ψευδόδειπνα πολλὰ μαργώσησ γνάθου ἐρρυσίαζον στόματοσ ἐν πρώτῃ χαρᾷ. ἐν Σθενεβοίᾳ δ’ ὁ Εὐριπίδησ περὶ εὐτελείασ λέγων· βίοσ δὲ πορφυρέωσ θαλάσσιοσ, οὐκ εὐτράπεζοσ, ἀλλ’ ἐπάκτιοι φάτναι. ὑγρὰ δὲ μήτηρ, οὐ πεδοστιβὴσ τροφὸσ θάλασσα·
τήνδ’ ἀροῦμεν, ἐκ ταύτησ βίοσ βρόχοισι καὶ πέδαισιν οἴκαδ’ ἔρχεται.
호흡부호 보기
강세부호 보기
장단부호 보기
작은 Iota 보기
모든 부호 보기