호흡부호 보기
강세부호 보기
장단부호 보기
작은 Iota 보기
모든 부호 보기
φίλοινοσ δ’ ἐστὶν ὁ πρὸσ οἶνον ἕτοιμοσ, φιλοπότησ δὲ ὁ πρὸσ πότουσ, κωθωνιστὴσ δὲ ὁ μέχρι μέθησ, πλεῖστον δὲ ἔπινε τῶν μὲν ἡρώων Νέστωρ ὁ τριγέρων· φανερῶσ γὰρ αὐτὸσ προσέκειτο τῶν ἄλλων μᾶλλον τῷ οἴνῳ καὶ τοῦ Ἀγαμέμνονοσ αὐτοῦ, ὃν ὡσ πολυπότην ἐπιπλήσσει ὁ Ἀχιλλεύσ. ὁ δὲ Νέστωρ καὶ τῆσ μεγίστησ μάχησ ἐνεστηκυίασ οὐκ ἀπέχεται τοῦ πίνειν. φησὶ γοῦν Ὅμηροσ· Νέστορα δ’ οὐκ ἔλαθεν ἰαχὴ πίνοντά περ ἔμπησ. καὶ μόνου σὲ τούτου τῶν ἡρώων τὸ ποτήριον ἡρμήνευκεν, ὡσ τὴν Ἀχιλλέωσ ἀσπίδα. ἐστρατεύετο γάρ μετ’ αὐτοῦ καθάπερ καὶ τῆσ ἀσπίδοσ ἐκείνησ ἧσ φησιν ὁ Ἕκτωρ καὶ μέχρι οὐρανοῦ ἥκειν τὸ κλέοσ, οὐκ ἂν ἁμάρτοι δέ τισ καὶ τὸ ποτήριον αὐτοῦ λέγων φιάλην Ἄρεωσ κατὰ τὸν Ἀντιφάνουσ Καινέα, ἐν ᾧ λέγεται οὕτωσ· εἶτ’ ἤδη δὸσ φιάλην Ἄρεωσ, κατὰ Τιμόθεον, ξυστόν τε βέλοσ. ἀλλὰ μὴν καὶ διὰ τὴν φιλοποσίαν ὁ Νέστωρ καὶ παρἈχιλλέωσ φιάλην λαμβάνει δῶρον ἐν τῷ ἐπὶ Πατρόκλῳ ἐπιτελουμένῳ ἀγῶνι, οὐχ ὅτι ἀκονιτὶ τῷ νικηθέντι ἔδωκε δέπασ ὁ Ἀχιλλεύσ τοῖσ γὰρ φιλοπόταισ οὐ παρέπεται τὸ νικᾶν διὰ τὸ ῥᾴθυμον ἢ ὅτι διὰ δίψαν μάλιστα λείπονται οἱ πύκται διὰ τὸ βαρεῖσθαι τὰσ χεῖρασ ἀνατείνοντεσ.
ὁ δὲ Εὔμηλοσ λαμβάνει θώρακα δραμὼν ἆθλον ἐπισφαλῶσ καὶ ἀμυχθείσ, ἀσφαλείασ ὅπλον.
호흡부호 보기
강세부호 보기
장단부호 보기
작은 Iota 보기
모든 부호 보기