헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 11)

καὶ ἔθνη δὲ ὅλα εἰσ πολυφαγίαν ἐκωμῳδεῖτο, ὡσ τὸ Βοιωτόν. Εὔβουλοσ γοῦν ἐν Ἀντιόπῃ φησί· πώνειν μὲν ἁμὲσ καὶ φαγεῖν μάλ’ ἀνδρικοὶ καὶ καρτερεῖμεν, τοῖσ δ’ Ἀθηναίοισ λέγειν καὶ μικρὰ φαγέμεν, τοὶ δὲ Θηβαῖοι μέγα. καὶ ἐν Εὐρώπῃ· κτίζε Βοιωτῶν πόλιν, ἀνδρῶν ἀρίστων ἐσθίειν δι’ ἡμέρασ. καὶ ἐν Ιὤνι· οὕτω σφόδρ’ ἐστὶ τοὺσ τρόπουσ Βοιώτιοσ ὥστ’ οὐδὲ δειπνῶν, ὡσ λέγουσ1’, ἐμπίπλαται. ἐν δὲ Κέρκωψι·

μετὰ ταῦτα Θήβασ ἦλθον, οὗ τὴν νύχθ’ ὅλην τὴν θ’ ἡμέραν δειπνοῦσι καὶ κοπρῶν’ ἔχει ἐπὶ ταῖσ θύραισ ἕκαστοσ, οὗ πλήρει βροτῷ οὐκ ἔστι μεῖζον ἀγαθὸν ὡσ χεζητιῶν μακρὰν βαδίζων, πολλὰ δ’ ἀσθμαίνων ἀνήρ, δάκνων τὰ χείλη παγγέλοιόσ ἐστ’ ἰδεῖν, ἐν δὲ τοῖσ Μυσοῖσ πρὸσ τὸν Ἡρακλέα ποιεῖ τινα τάδε λέγοντα· σὺ μὲν τὸ Θήβησ, ὡσ λέγεισ, πέδον λιπών, ἀνδρῶν ἀρίστων ἐσθίειν δι’ ἡμέρασ ὅλησ τραχήλουσ καὶ κοπρῶνασ πλησίον Δίφιλοσ δὲ ἐν Βοιωτίδι· οἱο͂σ ἐσθίειν πρὸ ἡμέρασ ἀρξάμενοσ ἢ πάλιν πρὸσ ἡμέραν.

Μνησίμαχοσ Βουσίριδι εἰμὶ γὰρ Βοιώτιοσ ὀλίγα μὲν λαλῶν, Β. δίκαια ταῦτα. α. πολλὰ δ’· ἐσθίων. Ἄλεξισ Τροφωνίῳ· νῦν δ’ ἵνα μὴ παντελῶσ Βοιώτιοι φαίνησθ’ εἶναι τοῖσ διασύρειν ὑμᾶσ εἰθισμένοισ ὡσ ἀκίνητοι ξυνέσει, ὁ βοᾶν καὶ πίνειν μόνον καὶ δειπνεῖν ἐπιστάμενοι διὰ τέλουσ τὴν νύχθ’ ὅλην, γυμνοῦθ’ αὑτοὺσ θᾶττον ἅπαντεσ. Ἀχαιὸσ δ’ ἐν Ἄθλοισ·

πότερα θεωροῖσ εἴτ’ ἀγωνισταῖσ λέγεισ; β, πόλλ’ ἐσθίουσιν, ὡσ ἐπασκούντων τρόποσ.

α. ποδαποὶ γάρ εἰσιν οἱ ξένοι; β. Βοιώτιοι. "τί γὰρ ἄλλο ἢ τοιαῦτα ἐλάλουν, οἱᾶ ἂν καὶ τὰ ἀγγεῖα φωνὴν λαβόντα, ὁπόσον ἕκαστοσ χωρεῖ ; Πολύβιοσ δ’ ὁ Μεγαλοπολίτησ ἐν τῇ εἰκοστῇ τῶν ἱστοριῶν φησιν ὡσ Βοιωτοὶ μεγίστην δόξαν λαβόντεσ κατὰ τὰ Λευκτρικὰ κατὰ μικρὸν ἀνέπεσον ταῖσ ψυχαῖσ καὶ ὁρμήσαντεσ ἐπ’ εὐωχίασ καὶ μέθασ διέθεντο καὶ κοινωνεῖα τοῖσ φίλοισ. πολλοὶ δὲ καὶ τῶν ἐχόντων γενεὰσ ἀπεμέριζον τοῖσ συσσιτίοισ τὸ πλέον μέροσ τῆσ οὐσίασ, ὥστε πολλοὺσ εἶναι Βοιωτῶν οἷσ ὑπῆρχε δεῖπνα τοῦ μηνὸσ πλείω τῶν εἰσ τὸν μῆνα διατεταγμένων ἡμερῶν.

διόπερ Μεγαρεῖσ μισήσαντεσ αὐτῶν τὴν τοιαύτην κατάστασιν ἀπένευσαν εἰσ τοὺσ Ἀχαιούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 11

(아테나이오스, The Deipnosophists, Book 10, book 10, chapter 11)

상위

목록

SEARCH

MENU NAVIGATION