헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 86)

τίνα δὲ κόλασιν ὑπέμενον Ἀθήνησιν οἱ μὴ λύσαντεσ τὸν προτεθέντα γρῖφον, εἴ γε ἔπινον φιάλην ἅλμῃ κεκερασμένην, ὡσ καὶ ὁ Κλέαρχοσ προεῖπεν ἐν τῷ ὁρ́ῳ; κἀν τῷ πρώτῳ δὲ περὶ παροιμιῶν γράφει οὕτωσ· ̔ τῶν γρίφων ἡ ζήτησισ οὐκ ἀλλοτρία φιλοσοφίασ ἐστί, καὶ οἱ παλαιοὶ τὴν τῆσ παιδείασ ἀπόδειξιν ἐν τούτοισ ἐποιοῦντο. προέβαλλον γὰρ παρὰ τοὺσ πότουσ οὐχ ὥσπερ οἱ νῦν ἐρωτῶντεσ ἀλλήλουσ, τίσ τῶν ἀφροδισιαστικῶν συνδυασμῶν ἢ τίσ ἢ ποῖοσ ἰχθὺσ ἥδιστοσ ἢ τίσ ἀκμαιότατοσ, ἔτι δὲ τίσ μετ’ Ἀρκτοῦρον ἢ μετὰ Πλειάδα ἢ τίσ μετὰ Κύνα μάλιστα βρωτόσ. καὶ ἐπὶ τούτοισ ἆθλα μὲν τοῖσ νικῶσι φιλήματα μίσουσ ἄξια τοῖσ ἐλευθέραν αἴσθησιν ἔχουσι, ζημίαν δὲ τοῖσ ἡττηθεῖσιν τάττουσιν ἄκρατον πιεῖν, ὃν ἥδιον τῆσ ὑγιείασ πίνουσι· κομιδῇ γάρ ἐστι ταῦτά γὲ τινοσ τοῖσ Φιλαινίδοσ καὶ τοῖσ Ἀρχεστράτου συγγράμμασιν ἐνῳκηκότοσ, ἔτι δὲ περὶ τὰσ καλουμένασ Γαστρολογίασ ἐσπουδακότοσ· ἀλλὰ μᾶλλον τὰσ τοιαύτασ, τῷ πρώτῳ ἔποσ ἢ ἰαμβεῖον εἰπόντι τὸ ἐχόμενον ἕκαστον λέγειν καὶ τῷ κεφάλαιον εἰπόντι ἀντειπεῖν τὸ ἑτέρου ποιητοῦ τινοσ, ὅτι εἰσ τὴν αὐτὴν εἶπε γνώμην ἔτι δὲ λέγειν ἕκαστον ἰαμβεῖον.

πρόσ τε τούτοισ ἕκαστον εἰπεῖν ὅσων ἂν προσταχθῇ συλλαβῶν ἔμμετρον, καὶ ὅσα ἀπὸ τῆσ τῶν γραμμάτων καὶ συλλαβῶν ἔχεται θεωρίασ, ὁμοίωσ δὲ τοῖσ εἰρημένοισ ἡγεμόνοσ ἑκάστου λέγειν ὄνομα τῶν ἐπὶ Τροίαν ἢ τῶν Τρώων, καὶ πόλεωσ ὄνομα τῶν ἐν τῇ Ἀσίᾳ λέγειν ἀπὸ τοῦ δοθέντοσ γράμματοσ, τὸν δ’ ἐχόμενον τῶν ἐν τῇ Εὐρώπῃ καὶ τοὺσ λοιποὺσ ἐναλλάξαι, ἄν τε Ἑλληνίδοσ ἄν τε βαρβάρου τάξῃ τισ. ὥστε τὴν παιδιὰν μὴ ἄσκεπτον οὖσαν μήνυμα·

γίνεσθαι τῆσ ἑκάστου πρὸσ παιδείαν οἰκειότητοσ· ἐφ’ οἷσ ἆθλον ἐτίθεσαν στέφανον καὶ εὐφημίαν, οἷσ μάλιστα γλυκαίνεται τὸ φιλεῖν ἀλλήλουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 86

(아테나이오스, The Deipnosophists, Book 10, book 10, chapter 86)

상위

목록

SEARCH

MENU NAVIGATION