호흡부호 보기
강세부호 보기
장단부호 보기
작은 Iota 보기
모든 부호 보기
εἰσάγεται δὲ ὁ Ἡρακλῆσ καὶ Λεπρεῖ περὶ πολυφαγίασ ἐρίζων ἐκείνου προκαλεσαμένου, καὶ νενίκηκεν. Ζηνόδοτοσ δ’ ἐν δευτέρῳ Ἐπιτομῶν Καύκωνόσ φησι τοῦ Ποσειδῶνοσ καὶ Ἀστυδαμείασ τῆσ Φόρβαντοσ γενέσθαι τὸν Λεπρέα, ὃν τὸν Ἡρακλέα κελεῦσαι δεθῆναι ὅτε Αὐγέαν τὸν μισθὸν ἀπῄτει. Ἡρακλῆσ δ’ ἐκτελέσασ τοὺσ ἄθλουσ ἔρχεται ἐπὶ Καύκωνασ καὶ δεηθείσησ Ἀστυδαμείασ διαλύεται πρὸσ τὸν Λεπρέα. καὶ μετὰ ταῦτα ὁ Λεπρεὺσ Ἡρακλεῖ ἐρίζει δίσκῳ καὶ ὕδατοσ ἀντλήσει καὶ ὅστισ ἀναλώσει θᾶττον ταῦρον, καὶ λείπεται πάντα. εἶτα θωρηχθεὶσ προκαλεῖται Ἡρακλέα καὶ θνῄσκει ἐν τῇ μάχῃ.
Μᾶτρισ δ’ ἐν τῷ τοῦ ̔ Ἡρακλέουσ ἐγκωμίῳ καὶ εἰσ πολυποσίαν φησὶ τὸν Ἡρακλέα προκληθῆναι ὑπὸ τοῦ Λεπρέωσ, καὶ πάλιν νικηθῆναι. τὰ αὐτὰ ἱστορεῖ καὶ ὁ Χῖοσ ῥήτωρ Καύκαλοσ, ὁ Θεοπόμπου τοῦ ἱστοριογράφου ἀδελφόσ, ἐν τῷ τοῦ ̔ Ἡρακλέουσ ἐγκωμίῳ.
호흡부호 보기
강세부호 보기
장단부호 보기
작은 Iota 보기
모든 부호 보기