헬라어 문장 검색 - ΗεροδόΤηεΗιστ́2́178́

(헤로도토스, The Histories, book 2, chapter 172)

Ἀπρίεω δὲ ὧδε καταραιρημένου ἐβασίλευσε Ἄμασισ, νομοῦ μὲν Σαί̈τεω ἐών, ἐκ τῆσ δὲ ἦν πόλιοσ, οὔνομά οἱ ἐστὶ Σιούφ. τὰ μὲν δὴ πρῶτα κατώνοντο τὸν Ἄμασιν Αἰγύπτιοι καὶ ἐν οὐδεμιῇ μοίρῃ μεγάλῃ ἦγον ἅτε δὴ δημότην τὸ πρὶν ἐόντα καὶ οἰκίησ οὐκ ἐπιφανέοσ·

μετὰ δὲ σοφίῃ αὐτοὺσ ὁ Ἄμασισ, οὐκ ἀγνωμοσύνῃ προσηγάγετο. ἦν οἱ ἄλλα τε ἀγαθὰ μυρία, ἐν δὲ καὶ ποδανιπτὴρ χρύσεοσ, ἐν τῷ αὐτόσ τε ὁ Ἄμασισ καὶ οἱ δαιτυμόνεσ οἱ πάντεσ τοὺσ πόδασ ἑκάστοτε ἐναπενίζοντο·

τοῦτον κατ’ ὦν κόψασ ἄγαλμα δαίμονοσ ἐξ αὐτοῦ ἐποιήσατο, καὶ ἵδρυσε τῆσ πόλιοσ ὅκου ἦν ἐπιτηδεότατον· οἱ δὲ Αἰγύπτιοι φοιτέοντεσ πρὸσ τὤγαλμα ἐσέβοντο μεγάλωσ. μαθὼν δὲ ὁ Ἄμασισ τὸ ἐκ τῶν ἀστῶν ποιεύμενον, συγκαλέσασ Αἰγυπτίουσ ἐξέφηνε φὰσ ἐκ τοῦ ποδανιπτῆροσ τὤγαλμα γεγονέναι, ἐσ τὸν πρότερον μὲν τοὺσ Αἰγυπτίουσ ἐνεμέειν τε καὶ ἐνουρέειν καὶ πόδασ ἐναπονίζεσθαι, τότε δὲ μεγάλωσ σέβεσθαι.

ἤδη ὦν ἔφη λέγων ὁμοίωσ αὐτὸσ τῷ ποδανιπτῆρι πεπρηγέναι·

εἰ γὰρ πρότερον εἶναι δημότησ, ἀλλ’ ἐν τῷ παρεόντι εἶναι αὐτῶν βασιλεύσ· καὶ τιμᾶν τε καὶ προμηθέεσθαι ἑωυτοῦ ἐκέλευε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 172

(헤로도토스, The Histories, book 2, chapter 172)

상위

목록

SEARCH

MENU NAVIGATION