헬라어 문장 검색 - ΗεροδόΤηεΗιστ́2́036́

(헤로도토스, The Histories, book 2, chapter 36)

οἱ ἱρέεσ τῶν θεῶν τῇ μὲν ἄλλῃ κομέουσι, ἐν Αἰγύπτῳ δὲ ξυρῶνται. τοῖσι ἄλλοισι ἀνθρώποισι νόμοσ ἅμα κήδεϊ κεκάρθαι τὰσ κεφαλὰσ τοὺσ μάλιστα ἱκνέεται, Αἰγύπτιοι δὲ ὑπὸ τοὺσ θανάτουσ ἀνιεῖσι τὰσ τρίχασ αὔξεσθαι τάσ τε ἐν τῇ κεφαλῇ καὶ τῷ γενείῳ, τέωσ ἐξυρημένοι. τοῖσι μὲν ἄλλοισι ἀνθρώποισι χωρὶσ θηρίων ἡ δίαιτα ἀποκέκριται, Αἰγυπτίοισι δὲ ὁμοῦ θηρίοισι ἡ δίαιτα ἐστί.

ἀπὸ πυρῶν καὶ κριθέων ὧλλοι ζώουσι, Αἰγυπτίων δὲ τῷ ποιευμένῳ ἀπὸ τούτων τὴν ζόην ὄνειδοσ μέγιστον ἐστί, ἀλλὰ ἀπὸ ὀλυρέων ποιεῦνται σιτία, τὰσ ζειὰσ μετεξέτεροι καλέουσι. φυρῶσι τὸ μὲν σταῖσ τοῖσι ποσί, τὸν δὲ πηλὸν τῇσι χερσί, καὶ τὴν κόπρον ἀναιρέονται.

τὰ αἰδοῖα ὧλλοι μὲν ἐῶσι ὡσ ἐγένοντο, πλὴν ὅσοι ἀπὸ τούτων ἔμαθον, Αἰγύπτιοι δὲ περιτάμνονται. εἵματα τῶν μὲν ἀνδρῶν ἕκαστοσ ἔχει δύο, τῶν δὲ γυναικῶν ἓν ἑκάστη. τῶν ἱστίων τοὺσ κρίκουσ καὶ τοὺσ κάλουσ οἱ μὲν ἄλλοι ἔξωθεν προσδέουσι, Αἰγύπτιοι δὲ ἔσωθεν.

γράμματα γράφουσι καὶ λογίζονται ψήφοισι Ἕλληνεσ μὲν ἀπὸ τῶν ἀριστερῶν ἐπὶ τὰ δεξιὰ φέροντεσ τὴν χεῖρα, Αἰγύπτιοι δὲ ἀπὸ τῶν δεξιῶν ἐπὶ τὰ ἀριστερά· καὶ ποιεῦντεσ ταῦτα αὐτοὶ μὲν φασὶ ἐπὶ δεξιὰ ποιέειν, Ἕλληνασ δὲ ἐπ’ ἀριστερά. διφασίοισι δὲ γράμμασι χρέωνται, καὶ τὰ μὲν αὐτῶν ἱρὰ τὰ δὲ δημοτικὰ καλέεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 36

(헤로도토스, The Histories, book 2, chapter 36)

상위

목록

SEARCH

MENU NAVIGATION