헬라어 문장 검색 - ΗεροδόΤηεΗιστ́2́029́

(헤로도토스, The Histories, book 2, chapter 29)

ἄλλου δὲ οὐδενὸσ οὐδὲν ἐδυνάμην πυθέσθαι. ἀλλὰ τοσόνδε μὲν ἄλλο ἐπὶ μακρότατον ἐπυθόμην, μέχρι μὲν Ἐλεφαντίνησ πόλιοσ αὐτόπτησ ἐλθών, τὸ δὲ ἀπὸ τούτου ἀκοῇ ἤδη ἱστορέων. ἀπὸ Ἐλεφαντίνησ πόλιοσ ἄνω ἰόντι ἄναντεσ ἐστὶ χωρίον·

ταύτῃ ὦν δεῖ τὸ πλοῖον διαδήσαντασ ἀμφοτέρωθεν κατά περ βοῦν πορεύεσθαι· ἢν δὲ ἀπορραγῇ τὸ πλοῖον οἴχεται φερόμενον ὑπὸ ἰσχύοσ τοῦ ῥόου. τὸ δὲ χωρίον τοῦτο ἐστὶ ἐπ’ ἡμέρασ τέσσερασ πλόοσ, σκολιὸσ δὲ ταύτῃ κατά περ ὁ Μαίανδροσ ἐστὶ ὁ Νεῖλοσ·

σχοῖνοι δὲ δυώδεκα εἰσὶ οὗτοι τοὺσ δεῖ τούτῳ τῷ τρόπῳ διεκπλῶσαι. καὶ ἔπειτα ἀπίξεαι ἐσ πεδίον λεῖον, ἐν τῷ νῆσον περιρρέει ὁ Νεῖλοσ· Ταχομψὼ οὔνομα αὐτῇ ἐστι. οἰκέουσι δὲ τὰ ἀπὸ Ἐλεφαντίνησ ἄνω Αἰθίοπεσ ἤδη καὶ τῆσ νήσου τὸ ἥμισυ, τὸ δὲ ἥμισυ Αἰγύπτιοι.

ἔχεται δὲ τῆσ νήσου λίμνην μεγάλη, τὴν πέριξ νομάδεσ Αἰθίοπεσ νέμονται· τὴν διεκπλώσασ ἐσ τοῦ Νείλου τὸ ῥέεθρον ἥξεισ, τὸ ἐσ τὴν λίμνην ταύτην ἐκδιδοῖ. καὶ ἔπειτα ἀποβὰσ παρὰ τὸν ποταμὸν ὁδοιπορίην ποιήσεαι ἡμερέων τεσσεράκοντα·

σκόπελοί τε γὰρ ἐν τῷ Νείλῳ ὀξέεσ ἀνέχουσι καὶ χοιράδεσ πολλαί εἰσι, δι’ ὧν οὐκ οἱᾶ́ τε ἐστὶ πλέειν. διεξελθὼν δὲ ἐν τῇσι τεσσεράκοντα ἡμέρῃσι τοῦτο τὸ χωρίον, αὖτισ ἐσ ἕτερον πλοῖον ἐσβὰσ δυώδεκα ἡμέρασ πλεύσεαι, καὶ ἔπειτα ἥξεισ ἐσ πόλιν μεγάλην τῇ οὔνομα ἐστὶ Μερόη·

λέγεται δὲ αὕτη ἡ πόλισ εἶναι μητρόπολισ τῶν ἄλλων Αἰθιόπων. οἱ δ’ ἐν ταύτῃ Δία θεῶν καὶ Διόνυσον μούνουσ σέβονται, τούτουσ τε μεγάλωσ τιμῶσι, καί σφι μαντήιον Διὸσ κατέστηκε·

στρατεύονται δὲ ἐπεάν σφεασ ὁ θεὸσ οὗτοσ κελεύῃ διὰ θεσπισμάτων, καὶ τῇ ἂν κελεύῃ, ἐκεῖσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 2, chapter 29

(헤로도토스, The Histories, book 2, chapter 29)

상위

목록

SEARCH

MENU NAVIGATION