헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 19, chapter 12)

κατὰ δὲ τὴν Ἀσίαν Εὐμενὴσ μὲν ἔχων τοὺσ ἀργυράσπιδασ Μακεδόνασ καὶ τὸν ἀφηγούμενον αὐτῶν Ἀντιγένην παρεχείμασε μὲν τῆσ Βαβυλωνίασ ἐν ταῖσ ὀνομαζομέναισ Καρῶν κώμαισ, πρὸσ δὲ Σέλευκον καὶ Πίθωνα πρέσβεισ ἀπέστειλεν, ἀξιῶν βοηθεῖν τοῖσ βασιλεῦσι καὶ μετ’ αὐτοῦ συναγωνίσασθαι πρὸσ Ἀντίγονον. τούτων δ’ ὁ μὲν Πίθων τῆσ Μηδίασ, ὁ δ’ ἕτεροσ τῆσ Βαβυλωνίασ σατράπησ ἀπεδέδεικτο, καθ’ ὃν καιρὸν ἡ δευτέρα διαίρεσισ ἐγενήθη τῶν σατραπειῶν ἐν Τριπαραδείσῳ.

οἱ δὲ περὶ Σέλευκον τοῖσ μὲν βασιλεῦσιν ἔφασαν βούλεσθαι παρέχεσθαι χρείασ, Εὐμενεῖ μέντοι γε μηδέποθ’ ὑπομενεῖν ποιοῦντασ τὸ προσταττόμενον, οὗ Μακεδόνεσ συνελθόντεσ κατέγνωσαν θάνατον. πολλὰ δὲ πρὸσ ταύτην τὴν προαίρεσιν διαλεχθέντεσ συνεξέπεμψαν παρ’ αὑτῶν πρεσβευτὴν πρὸσ Ἀντιγένην καὶ τοὺσ ἀργυράσπιδασ, ἀξιοῦντεσ ἀφιστάναι τῆσ ἡγεμονίασ Εὐμενῆ. τῶν δὲ Μακεδόνων οὐ προσεχόντων τοῖσ λόγοισ Εὐμενὴσ ἐπαινέσασ αὐτῶν τὴν προθυμίαν ἀνέζευξε μετὰ τῆσ δυνάμεωσ καὶ παραγενηθεὶσ ἐπὶ τὸν Τίγριν ποταμὸν κατεστρατοπέδευσε, τῆσ Βαβυλῶνοσ ἀπέχων σταδίουσ τριακοσίουσ.

καὶ πρόθεσιν μὲν εἶχεν εἰσ Σοῦσα ποιεῖσθαι τὴν πορείαν, διανοούμενοσ τὰσ ἐκ τῶν ἄνω σατραπειῶν δυνάμεισ μεταπέμπεσθαι καὶ τοῖσ βασιλικοῖσ θησαυροῖσ χρήσασθαι πρὸσ τὰσ κατεπειγούσασ χρείασ. ἠναγκάζετο δὲ τὸν ποταμὸν διαβαίνειν διὰ τὸ τὴν μὲν κατόπιν χώραν προνενομεῦσθαι, τὴν δὲ πέραν ἀκέραιον εἶναι καὶ δαψιλεῖσ δύνασθαι παρέχεσθαι τροφὰσ τῷ στρατοπέδῳ.

συναγαγόντοσ οὖν αὐτοῦ πλοῖα πανταχόθεν πρὸσ τὴν διάβασιν οἱ περὶ Σέλευκον καὶ Πίθωνα κατέπλευσαν δυσὶ μὲν τριήρεσι, κοντωτοῖσ δὲ πλείοσιν·

ἔτι γὰρ τὰ σκάφη ταῦτα περιῆν ἐκ τῶν ὑπ’ Ἀλεξάνδρου ναυπηγηθέντων περὶ Βαβυλῶνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 19, chapter 12

(디오도로스 시켈로스, Bibliotheca Historica, Books XVIII-XX, book 19, chapter 12)

상위

목록

SEARCH

MENU NAVIGATION