헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 63)

Ἡγήσανδροσ δὲ ὁ Δελφὸσ καὶ ἐξοίνουσ τινὰσ κέκληκε λέγων οὕτωσ· "Κόμβων καὶ Ῥοδοφῶν τῶν ἐν Ῥόδῳ πολιτευσαμένων ὄντεσ ἦσαν ἔξοινοι. "καὶ ὁ Κόμβων εἰσ κυβευτὴν σκώπτων τὸν Ῥοδοφῶντα ἔλεγεν ὦ γέρον, ἦ μάλα δή σε νέοι τείρουσι κυβευταί. Ῥοδοφῶν τε ἐκείνῳ τὴν περὶ τὰσ γυναῖκασ σπουδὴν καὶ τὴν ἀκρασίαν ὠνείδιζεν οὐδεμιᾶσ ἀπεχόμενοσ λοιδορίασ. Θεόπομποσ δ’ ἐν τῇ ἑκκαιδεκάτῃ τῶν ἱστοριῶν περὶ ἄλλου ̔ Ῥοδίου διαλεγόμενόσ φησι· "τοῦ δὲ Ἡγησιλόχου τὰ μὲν ἀχρείου γεγονότοσ ὑπὸ οἰνοφλυγίασ καὶ κύβων καὶ παντάπασιν οὐκ ἔχοντοσ ἀξίωμα παρὰ τοῖσ Ῥοδίοισ, ἀλλὰ διαβεβλημένου διὰ τὴν ἀσωτίαν τὴν τοῦ βίου καὶ παρὰ τοῖσ ἑταίροισ καὶ παρὰ τοῖσ ἄλλοισ πολίταισ. "καὶ πολλὰσ μὲν γυναῖκασ εὐγενεῖσ καὶ τῶν πρώτων ἀνδρῶν ᾔσχυναν, οὐκ ὀλίγουσ δὲ παῖδασ καὶ νεανίσκουσ διέφθειραν·

"εἰσ τοῦτο δὲ προέβησαν ἀσελγείασ, ὥστε καὶ κυβεύειν ἠξίωσαν πρὸσ ἀλλήλουσ περὶ τῶν γυναικῶν τῶν ἐλευθέρων καὶ διωμολογοῦντο τοὺσ ἐλάττω τοῖσ ἀστραγάλοισ βάλλοντασ ἥντινα χρὴ τῶν πολιτίδων τῷ νικῶντι εἰσ συνουσίαν ἀγαγεῖν, οὐδεμίαν ὑπεξαιρούμενοι πρόφασιν, ἀλλ’ ὅπωσ ἕκαστοσ εἰή δυνατὸσ πείθων ἢ βιαζόμενοσ, οὕτω προστάττοντεσ ἄγειν. "καὶ ταύτην τὴν κυβείαν ἔπαιζον μὲν καὶ τῶν ἄλλων Ῥοδίων τινέσ, ἐπιφανέστατα δὲ καὶ πλειστάκισ αὐτὸσ ὁ Ἡγησίλοχοσ ὁ προστατεῖν τῆσ πόλεωσ ἀξιῶν. Ἀνθέασ δὲ ὁ Λίνδιοσ, συγγενὴσ δὲ εἶναι φάσκων Κλεοβούλου τοῦ σοφοῦ, ὥσ φησι Φιλόμνηστοσ ἐν τῷ περὶ τῶν ἐν Ῥόδῳ Σμινθείων, πρεσβύτεροσ καὶ εὐδαίμων ἄνθρωποσ εὐφυήσ τε περὶ ποίησιν ὢν πάντα τὸν βίον ἐδιονυσίαζεν, ἐσθῆτά τε Διονυσιακὴν φορῶν καὶ πολλοὺσ τρέφων συμβάκχουσ, ἐξῆγέν τε κῶμον αἰεὶ μεθ’ ἡμέραν καὶ νύκτωρ.

καὶ πρῶτοσ εὑρ͂ε τὴν διὰ τῶν συνθέτων ὀνομάτων ποίησιν, ᾗ Ἀσωπόδωροσ ὁ Φλιάσιοσ ὕστερον ἐχρήσατο ἐν τοῖσ καταλογάδην ἰάμβοισ.

οὗτοσ δὲ καὶ κωμῳδίασ ἐποίει καὶ ἄλλα πολλὰ ἐν τούτῳ τῷ τρόπῳ τῶν ποιημάτων, ἃ ἐξῆρχε τοῖσ μεθ’ αὑτοῦ φαλλοφοροῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 63

(아테나이오스, The Deipnosophists, Book 10, book 10, chapter 63)

상위

목록

SEARCH

MENU NAVIGATION