헬라어 문장 검색 - ΑτηενάΤηεΔειπ

(아테나이오스, The Deipnosophists, Book 10, book 10, chapter 60)

Θεόπομποσ δὲ ἐν τῇ δευτέρᾳ καὶ εἰκοστῇ περὶ Χαλκιδέων ἱστορῶν τῶν ἐν Θρᾴκῃ φησίν ̔ ἐτύγχανον γὰρ τῶν μὲν βελτίστων ἐπιτηδευμάτων ὑπερορῶντεσ, ἐπὶ δὲ τοὺσ πότουσ καὶ ῥᾳθυμίαν καὶ πολλὴν ἀκολασίαν ὡρμηκότεσ ἐπιεικῶσ τὸ δ’ εἰσὶ πάντεσ οἱ Θρᾷκεσ πολυπόται. διὸ καὶ Καλλίμαχοσ ἔφη· καὶ γὰρ ὃ Θρηικίην μὲν ἀπέστυγε χανδὸν ἄμυστιν οἰνοποτεῖν, ὀλίγῳ δ’ ἥδετο κισσυβίῳ. ἐν δὲ τῇ πεντηκοστῇ ὁ Θεόπομποσ περὶ Μηθυμναίων τάδε λέγει· καὶ τὰ μὲν ἐπιτήδεια προσφερομένουσ πολυτελῶσ, μετὰ τοῦ κατακεῖσθαι καὶ πίνειν, ἔργον δ’ οὐδὲν ἄξιον τῶν ἀναλωμάτων ποιοῦντασ. ἔπαυσεν οὖν αὐτοὺσ τούτων Κλέομισ ὁ τύραννοσ, ὁ καὶ τὰσ μαστροποὺσ τὰσ εἰθισμένασ προαγωγεύειν τὰσ ἐλευθέρασ γυναῖκασ καὶ τρεῖσ ἢ τέτταρασ τὰσ ἐπιφανέστατα πορνευομένασ ἐνδήσασ εἰσ σάκκουσ καταποντίσαι τισὶν προστάξασ καὶ Ἕρμιπποσ δὲ ἐν τοῖσ περὶ τῶν ἑπτὰ σοφῶν Περίανδρον τὸ αὐτὸ ποιῆσαι.

ἐν δὲ τῇ δευτέρᾳ τῶν Φιλιππικῶν Ἰλλυριοί,’ φησί, ’ δειπνοῦσι καθήμενοι καὶ πίνουσιν, ἄγουσι δὲ καὶ τὰσ γυναῖκασ εἰσ τὰσ συνουσίασ· καὶ καλὸν αὐταῖσ προπίνειν οἷσ ἂν τύχωσι τῶν παρόντων, ἐκ δὲ τῶν συμποσίων αὗται τοὺσ ἄνδρασ ἀπάγουσι. καὶ κακόβιοι δὲ πάντεσ εἰσὶ καὶ ζώννυνται τὰσ κοιλίασ ζώναισ πλατείαισ ὅταν πίνωσι. καὶ τοῦτο μὲν πρῶτον μετρίωσ ποιοῦσιν, ἐπειδὰν δὲ σφοδρότερον πίνωσι, μᾶλλον αἰεὶ συνάγουσι τὴν ζώνην. Ἀρδιαῖοι δέ, φησί, κέκτηνται προσπελατῶν ὥσπερ εἱλώτων τριάκοντα μυριάδασ. καθ’ ἑκάστην δὲ ἡμέραν μεθύουσιν καὶ ποιοῦνται συνουσίασ καὶ διάκεινται πρὸσ ἐδωδὴν καὶ πόσιν ἀκρατέστερον. διὸ καὶ Κελτοὶ πολεμοῦντεσ αὐτοῖσ καὶ εἰδότεσ αὐτῶν τὴν ἀκρασίαν παρήγγειλαν ἅπασι τοῖσ στρατιώταισ δεῖπνον ὡσ λαμπρότατον παρασκευάσαντασ κατὰ σκηνὴν ἐμβαλεῖν εἰσ τὰ σιτία πόαν τινὰ φαρμακώδη δυναμένην διακόπτειν τὰσ κοιλίασ καὶ διακαθαίρειν. γενομένου δὲ τούτου οἱ μὲν αὐτῶν καταληφθέντεσ ὑπὸ τῶν Κελτῶν ἀπώλοντο, οἱ δὲ καὶ εἰσ τοὺσ ποταμοὺσ αὑτοὺσ ἔρριψαν, ἀκράτορεσ τῶν γαστέρων γενόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 10, book 10, chapter 60

(아테나이오스, The Deipnosophists, Book 10, book 10, chapter 60)

상위

목록

SEARCH

MENU NAVIGATION