Athenaeus, The Deipnosophists, Book 13, book 13, chapter 3 1:

ἐννεακαίδεκα μέν μοι ἰῆσ ἐκ νηδύοσ ἦσαν, τοὺσ δ’ ἄλλουσ μοι ἔτικτον ἐνὶ μεγάροισι γυναῖκεσ, παρὰ δὲ τοῖσ Ἕλλησιν οὐκ ἀνέχεται ἡ τοῦ Φοίνικοσ μήτηρ τὴν τοῦ Ἀμύντοροσ παλλακίδα. Μήδεια δὲ καίπερ εἰδυῖα τὸ ἔθοσ ὅτι ἐστὶ βαρβαρικὸν οὐ φέρει οὐδὲ αὐτὴ τὸν Γλαύκησ γάμον, ἤδη εἰσ τὰ ἀμείνω καὶ Ἑλληνικὰ ἐκδεδιῃτημένη. καὶ ἡ Κλυταιμήστρα δὲ περιπαθὴσ γενομένη τὴν Κασσάνδραν σὺν αὐτῷ τῷ Ἀγαμέμνονι ἀποκτείνει, ἣν εἰσ τὴν Ἑλλάδα ὁ κρείων ἐπηγάγετο, ἐν ἔθει γενόμενοσ βαρβαρικῶν γάμων. "θαυμάσαι δ’ ἂν τισ, φησὶν Ἀριστοτέλησ, ὅτι οὐδαμοῦ τῆσ Ἰλιάδοσ Ὅμηροσ ἐποίησε Μενελάῳ συγκοιμωμένην παλλακίδα, πᾶσι δοὺσ γυναῖκασ. "κοιμῶνται γοῦν παρ’ αὐτῷ καὶ οἱ γέροντεσ μετὰ γυναικῶν, Νέστωρ καὶ Φοῖνιξ. "οὐ γὰρ ἦσαν οὗτοι ἐκλελυμένοι τοῖσ σώμασιν ἐν τοῖσ τῆσ νεότητοσ χρόνοισ ἢ διὰ μέθησ ἢ δἰ ἀφροδισίων ἢ καὶ διὰ τῆσ ἐν ταῖσ ἀδηφαγίαισ ἀπεψίασ, ὥστε εἰκότωσ ἔρρωντο τῷ γήρᾳ. ἐοίκεν οὖν ὁ Σπαρτιάτησ αἰδεῖσθαι γαμετὴν οὖσαν τὴν Ἑλένην, ὑπὲρ ἧσ καὶ τὴν στρατείαν ἤθροισεν διόπερ φυλάττεται τὴν πρὸσ ἄλλην κοινωνίαν. "ὁ δ’ Ἀγαμέμνων ὡσ πολυγύναιοσ ὑπὸ Θερσίτου λοιδορεῖται· "πλεῖαί τοι χαλκοῦ κλισίαι, πολλαὶ δὲ γυναῖκεσ εἰσὶν ἐνὶ κλισίῃσ ἐξαίρετοι, ἅσ τοι Ἀχαιοὶ πρωτίστῳ δίδομεν. "ἀλλ’ οὐκ εἰκόσ, φησὶν ὁ Ἀριστοτέλησ, εἰσ χρῆσιν εἶναι τὸ πλῆθοσ τῶν γυναικῶν, ἀλλ’ εἰσ γέρασ· "ἐπεὶ οὐδὲ τὸν πολὺν οἶνον εἰσ τὸ μεθύειν παρεσκευάσατο.