호흡부호 보기
강세부호 보기
장단부호 보기
작은 Iota 보기
모든 부호 보기
Δημοσθένη δὲ τὸν ῥήτορα καὶ τεκνοποιήσασθαι ἐξ ἑταίρασ ἔχει λόγοσ, αὐτὸσ γοῦν ἐν τῷ περὶ Χρυσίου λόγῳ προαγήοχε τὰ τέκνα ἐπὶ τὸ δικαστήριον ὡσ δι’ ἐκείνων, ἔλεον ἕξων χωρὶσ τῆσ μητρόσ, καίτοι ἔθοσ ἐχόντων τῶν κρινομένων τὰσ γυναῖκασ ἐπάγεσθαι· ἀλλ’ αἰδοῖ τοῦτ’ ἐποίησεν, φεύγων τὴν διαβολήν.
ἀκόλαστοσ δ’ ἦν ὁ ῥήτωρ περὶ τὰ ἀφροδίσια, ὥσ φησιν Ἰδομενεύσ. Ἀριστάρχου γοῦν τινοσ ἐρασθεὶσ μειρακίου καὶ δι’ αὐτὸν παροινήσασ εἰσ Νικόδημον ἐξέκοψεν αὐτοῦ τοὺσ ὀφθαλμούσ, παραδέδοται δὲ καὶ περὶ ὄψα καὶ περὶ νέουσ καὶ περὶ γυναῖκασ πολυτελήσ. τοιγαροῦν καὶ ὁ γραμματεὺσ ποτ’ αὐτοῦ εἶπε "τί δ’ ἄν τισ περὶ Δημοσθένουσ λέγειν δύναιτο; "τὰ γὰρ ἐνιαυτῷ μελετηθέντα ἐκείνῳ μία γυνὴ μιᾷ νυκτὶ συνέχεεν.
ἀναλαβεῖν γοῦν καὶ εἰσ τὴν οἰκίαν λέγεταί τινα Κνωσίωνα μειρακίσκον, καίτοι γυναῖκα ἔχων ὡσ καὶ αὐτὴν ἀγανακτήσασαν συγκοιμᾶσθαι τῷ Κνωσίωνι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기