Athenaeus, The Deipnosophists, Book 13, book 13, chapter 27

(아테나이오스, The Deipnosophists, Book 13, book 13, chapter 27)

ταῦτά σοι παραινεῖν ἔχω, ἑταῖρε Μυρτίλε. καὶ κατὰ τὴν Φιλεταίρου Κυνηγίδα· παῦσαι, γέρων ὢν, τοὺσ τρόπουσ, οὐκ οἶσθ’ ὅτι οὔκ ἐστιν ἥδιστον ἀποθανεῖν βινοῦνθ’ ἅμα, ὥσπερ λέγουσιν ἀποθανεῖν Φορμίσιον;

ἢ ἥδιστόν ἐστί σοι, ὡσ ἐν Μαραθωνίοισ φησὶ Τιμοκλῆσ· ὅσον τὸ μεταξὺ μετὰ κορίσκησ ἢ μετὰ χαμαιτύπησ τὴν νύκτα κοιμᾶσθαι. βαβαί, ἡ στιφρότησ, τὸ χρῶμα, πνεῦμα, δαίμονεσ, τὸ μὴ σφόδρ’ εἶναι πάνθ’ ἕτοιμα, δεῖν δέ τι ἀγωνιᾶσαι καὶ ῥαπισθῆναί τε καὶ πληγὰσ λαβεῖν ἁπαλαῖσι χερσὶν ἡδύ γε νὴ τὸν Δία τὸν μέγιστον. ἔτι πολλὰ τοῦ Κυνούλκου θέλοντοσ λέγειν καὶ τοὐλπιανοῦ ἐπιρραπίσαι βουληθέντοσ αὐτὸν εἰσ τιμὴν τοῦ Μυρτίλου, φθάσασ ὁ Μυρτίλοσ ̔ διήχθρευεν γὰρ τῷ Σύρᾠ ἔφη·

οὐχ ὧδ’ ἐμόγησαν ἐλπίδεσ ὥστ’ ἐχθρῶν συμμαχίαν καλέσαι, φησὶν ὁ Καλλίμαχοσ. οὐ γὰρ αὐτάρκεισ ἡμεῖσ ἀμύνασθαι, ὦ Κύνουλκε; ὡσ σκαιὸσ εἶ κἄγροικοσ αἰσχροεπῶν ἐά, ἐπ’ ἀριστέρ’ ἐν τῷ στόματι τὴν γλῶσσαν φορεῖσ, κατὰ τὴν Ἐφίππου Φιλύραν. δοκεῖσ γάρ μοι ἐκείνων εἷσ εἶναι οὓσ ἐδίδαξαν ἀριστερὰ γράμματα Μοῦσαι, ὥσ τισ ἔφη τῶν παρῳδῶν.

일치하는 문장이 없습니다.

SEARCH

MENU NAVIGATION