Athenaeus, The Deipnosophists, Book 13, book 13, chapter 28

(아테나이오스, The Deipnosophists, Book 13, book 13, chapter 28)

ἐγὼ γάρ, ὦ ἄνδρεσ σύσσιτοι, οὐ κατὰ τὰσ Μεταγένουσ Αὔρασ ἢ τὸν Ἀρισταγόρου Μαμμάκυθον ὑμῖν ὀρχηστρίδασ εἶπον ἑταίρασ ὡραίασ πρότερον, νῦν δ’ οὐχ ὑμῖν ἀγορεύω ἄρτι χνοαζούσασ αὐλητρίδασ, αἵ τε τάχιστα ἀνδρῶν φορτηγῶν ὑπὸ γούνατα μισθοῦ ἔλυσαν, ἀλλὰ περὶ τῶν ὄντωσ ἑταιρῶν τὸν λόγον πεποίημαι, τουτέστιν τῶν φιλίαν ἄδολον συντηρεῖν δυναμένων, ἃσ ὁ Κύνουλκοσ τολμᾷ λοιδορεῖν, μόνασ τῶν ἄλλων γυναικῶν τῷ τῆσ φιλίασ ὀνόματι προσηγορευμένασ, ἢ ἀπὸ τῆσ παρὰ τοῖσ Ἀθηναίοισ καλουμένησ Ἑταίρασ τῆσ Ἀφροδίτησ, περὶ ἧσ φησιν ὁ Ἀθηναῖοσ Ἀπολλόδωροσ ἐν τοῖσ περὶ Θεῶν οὕτωσ· "ἑταίραν δὲ τὴν Ἀφροδίτην τὴν τοὺσ ἑταίρουσ καὶ τὰσ ἑταίρασ συνάγουσαν τοῦτο δ’ ἐστὶν φίλασ.

καλοῦσι γοῦν καὶ αἱ ἐλεύθεραι γυναῖκεσ ἔτι καὶ νῦν καὶ αἱ παρθένοι τὰσ συνήθεισ καὶ φίλασ ἑταίρασ, ὡσ ἡ Σαπφώ·

τάδε νῦν ἑταίραισ ταῖσ ἐμαῖσι τερπνὰ καλῶσ ἀείσω. καὶ ἔτι· Λατὼ καὶ Νιόβα μάλα μὲν φίλαι ἦσαν ἑταῖραι. καλοῦσι δὲ καὶ τὰσ μισθαρνούσασ ἑταίρασ καὶ τὸ ἐπὶ συνουσίαισ μισθαρνεῖν ἑταιρεῖν, οὐκ ἔτι πρὸσ τὸ ἔτυμον ἀναφέροντεσ, ἀλλὰ πρὸσ τὸ εὐσχημονέστερον, καθὸ δὴ καὶ Μένανδροσ ἐν Παρακαταθήκῃ ἀπὸ τῶν ἑταιρῶν τοὺσ ἑταίρουσ διαστέλλων φησί· πεποιήκατ’ ἔργον οὐχ ἑταίρων γάρ, φίλαι, μὰ Δί’ ἀλλ’ ἑταίρων ’ ταὐτὰ δ’ ὄντα γράμματα τὴν προσαγόρευσιν οὐ σφόδρ’ εὔσχημον ποιεῖ.

일치하는 문장이 없습니다.

SEARCH

MENU NAVIGATION