호흡부호 보기
강세부호 보기
장단부호 보기
작은 Iota 보기
모든 부호 보기
ὅλωσ δὲ τοὺσ παιδικοὺσ ἔρωτασ τῶν ἐπὶ ταῖσ θηλείαισ προκρίνουσι πολλοί, παρὰ γὰρ τὰσ ἄλλασ ταῖσ εὐνομουμέναισ πόλεσιν ἐπὶ τῆσ Ἑλλάδοσ σπουδασθῆναι τόδε τὸ ἔθοσ. Κρῆτεσ γοῦν, ὡσ ἔφην, καὶ οἱ ἐν Εὐβοίᾳ Χαλκιδεῖσ περὶ τὰ παιδικὰ δαιμονίωσ ἐπτόηνται. Ἐχεμένησ γοῦν ἐν τοῖσ Κρητικοῖσ οὐ τὸν Δία φησὶν ἁρπάσαι τὸν Γανυμήδην ἀλλὰ Μίνωα, οἱ δὲ προειρημένοι Χαλκιδεῖσ παρ’ αὑτοῖσ φασιν ἁρπασθῆναι τὸν Γανυμήδην ὑπὸ τοῦ Διὸσ καὶ τὸν τόπον δεικνύντεσ Ἁρπάγιον καλοῦσιν, ἐν ᾧ καὶ μυρρίναι διάφοροι πεφύκασιν. καὶ τὴν πρὸσ Ἀθηναίουσ δ’ ἔχθραν διελύσατο Μίνωσ, καίπερ ἐπὶ θανάτῳ παιδὸσ συστᾶσαν, Θησέωσ ἐρασθεὶσ καὶ τὴν θυγατέρα τούτῳ γυναῖκα ἔδωκε Φαίδραν, ὡσ Ζῆνισ ἢ Ζηνεύσ φησιν ὁ Χῖοσ ἐν τῷ περὶ τῆσ πατρίδοσ συγγράμματι.
호흡부호 보기
강세부호 보기
장단부호 보기
작은 Iota 보기
모든 부호 보기