호흡부호 보기
강세부호 보기
장단부호 보기
작은 Iota 보기
모든 부호 보기
Τιμόθεοσ δ’ ὁ στρατηγήσασ Ἀθηναίων ἐπιφανῶσ ἑταίρασ ἦν υἱὸσ Θρᾴττησ τὸ γένοσ, σεμνῆσ δ’ ἄλλωσ τοὺσ τρόπουσ. μεταβάλλουσαι γὰρ αἱ τοιαῦται εἰσ τὸ σῶφρον τῶν ἐπὶ τούτῳ σεμνυνομένων εἰσὶ βελτίουσ. "καὶ χάριν γε αὐτῇ, φησίν, οἶδα, ὅτι δι’ αὐτὴν Κόνωνόσ εἰμι υἱόσ.
Φιλέταιρον δὲ τὸν Περγάμου καὶ τῆσ Καινῆσ ταύτησ λεγομένησ βασιλεύσαντα χώρασ Βόασ αὐλητρίδοσ, ἑταίρασ τὸ γένοσ ἀπὸ Παφλαγονίασ, υἱόν φησι γενέσθαι Καρύστιοσ ἐν Ἱστορικοῖσ Ὑπομνήμασιν. Ἀριστοφῶν δ’ ὁ ῥήτωρ, ὁ τὸν νόμον εἰσενεγκὼν ἐπ’ Εὐκλείδου ἄρχοντοσ ὃσ ἂν μὴ ἐξ ἀστῆσ γένηται νόθον εἶναι, αὐτὸσ ἀπεδείχθη ὑπὸ Καλλιάδου τοῦ κωμικοῦ ἐκ Χορηγίδοσ τῆσ ἑταίρασ παιδοποιησάμενοσ, ὡσ ὁ αὐτὸσ ἱστορεῖ Καρύστιοσ ἐν τρίτῳ Ὑπομνημάτων. Δημήτριοσ δ’ ὁ Πολιορκητὴσ οὐ δαιμονίωσ ἤρα Λαμίασ τῆσ αὐλητρίδοσ, ἐξ ἧσ ἔσχε καὶ θυγατέρα Φίλαν;
τὴν δὲ Λάμιαν Πολέμων φησὶν ἐν τῷ περὶ τῆσ ἐν Σικυῶνι Ποικίλησ Στοᾶσ θυγατέρα μὲν εἶναι Κλεάνοροσ Ἀθηναίου, κατασκευάσαι δὲ Σικυωνίοισ τὴν προκειμένην στοάν. αὐτῆσ ἑταίρασ Ἀττικῆσ ὁ Δημήτριοσ καὶ ἄλλων δὲ πλειόνων.
호흡부호 보기
강세부호 보기
장단부호 보기
작은 Iota 보기
모든 부호 보기