헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 85)

καὶ ἄλογα δὲ ζῷα ἀνθρώπων ἠράσθη· Σεκούνδου μέν τινοσ βασιλικοῦ οἰνοχόου ἀλεκτρυών ἐκαλεῖτο δὲ ὁ μὲν ἀλεκτρυὼν Κένταυροσ, ὁ δὲ Σεκοῦνδοσ ἦν οἰκέτησ Νικομήδουσ τοῦ Βιθυνῶν βασιλέωσ, ὡσ ἱστορεῖ Νίκανδροσ ἐν ἕκτῳ Περιπετειῶν. ἐν Αἰγίῳ δὲ παιδὸσ ἠράσθη χήν, ὡσ Κλέαρχοσ ἱστορεῖ ἐν πρώτῳ Ἐρωτικῶν. τὸν δὲ παῖδα τοῦτον Θεόφραστοσ ἐν τῷ Ἐρωτικῷ Ἀμφίλοχον καλεῖσθαί φησι καὶ τὸ γένοσ ’ Ὠλένιον εἶναι· Ἑρμείασ δ’ ὁ τοῦ Ἑρμοδώρου, Σάμιοσ δὲ γένοσ, ἐρασθῆναι Λακύδουσ τοῦ φιλοσόφου, ἐν δὲ Λευκαδίᾳ φησὶν Κλέαρχοσ οὕτωσ ἐρασθῆναι ταὼν παρθένου ὡσ καὶ τὸν βίον ἐκλιπούσῃ συναποθανεῖν.

δελφῖνα δ’ ἐν Ιἀσῷ παιδὸσ ἐρασθῆναι λόγοσ, ὡσ ἱστορεῖ Δοῦρισ ἐν τῇ ἐνάτῃ, ὁ δὲ λόγοσ ἐστὶν αὐτῷ περὶ Ἀλεξάνδρου καὶ λέγει οὕτωσ· "μετεπέμψατο δὲ καὶ τὸν ἐκ τῆσ Ιἀσοῦ παῖδα.

"περὶ γὰρ τὴν πόλιν ταύτην Διονύσιόσ τισ ἦν παῖσ, ὃσ μετὰ τῶν ἄλλων ἐκ παλαίστρασ παραγινόμενοσ ἐπὶ τὴν θάλατταν ἐκολύμβα. "δελφὶσ δὲ πρὸσ αὐτὸν ἐκ τοῦ πελάγουσ ἀπήντα καὶ ἀναλαμβάνων ἐπὶ τὰ νῶτα ἔφερεν ἐπὶ πλεῖστον νηχόμενοσ καὶ πάλιν ἀποκαθίστα εἰσ τὴν γῆν. φιλανθρωπότατον δέ ἐστι καὶ συνετώτατον ζῷον ὁ δελφὶσ χάριν τε ἀποδιδόναι ἐπιστάμενον. "κοίρανοσ, φησίν, ὁ Μιλήσιοσ ἰδὼν ἁλιέασ τῷ δικτύῳ λαβόντασ δελφῖνα καὶ μέλλοντασ κατακόπτειν ἀργύριον δοὺσ καὶ παραιτησάμενοσ ἀφῆκεν εἰσ τὸ πέλαγοσ.

"καὶ μετὰ ταῦτα ναυαγίᾳ χρησάμενοσ περὶ Μύκονον καὶ πάντων ἀπολομένων μόνοσ ὑπὸ δελφῖνοσ ἐσώθη ὁ Κοίρανοσ. "τελευτήσαντοσ δ’ αὐτοῦ γηραιοῦ ἐν τῇ πατρίδι καὶ τῆσ ἐκφορᾶσ παρὰ τὴν θάλατταν γιγνομένησ κατὰ τύχην ἐν τῇ Μιλήτῳ, ἐν τῷ λιμένι πλῆθοσ δελφίνων ἐφάνη ἐν τῇ ἡμέρᾳ ἐκείνῃ μικρὸν ἀπωτέρω τῶν συνεκκομιζόντων τὸν Κοίρανον, ὡσεὶ συνεκφερόντων καὶ συγκηδευόντων τὸν ἄνθρωπον. ὁ δὲ αὐτὸσ ἱστορεῖ Φύλαρχοσ διὰ τῆσ εἰκοστῆσ ὅσην ἐλέφασ τὸ ζῷον φιλοστοργίαν ἔσχεν εἰσ παιδίον.

τὸ δ’ αὐτὸ ἐποίει καὶ ὁ ἄρρην ἐλέφασ πολλάκισ. γράφει δ’ οὕτωσ· "τούτῳ δὲ τῷ ἐλέφαντι συνετρέφετο θήλεια ἐλέφασ ἣν Νίκαιαν ἐκάλουν ᾧ τελευτῶσα ἡ τοῦ τρέφοντοσ Ἰνδοῦ γυνὴ παιδίον αὑτῆσ τριακοσταῖον παρακατέθετο· "ἀποθανούσησ δὲ τῆσ ἀνθρώπου δεινή τισ φιλοστοργία γέγονε τοῦ θηρίου πρὸσ τὸ παιδίον οὔτε γὰρ ἀπ’ αὐτοῦ χωριζόμενον τὸ βρέφοσ ὑπέμενεν, τὸ δὲ εἰ μὴ βλέποι τὸ παιδίον ἤσχαλλεν. "ὅτ’ οὖν ἡ τροφὸσ ἐμπλήσειεν αὐτὸ γάλακτοσ, ὁ ἀνὰ μέσον τῶν ποδῶν τοῦ θηρίου ἐτίθει αὐτὸ ἐν σκάφῃ· "εἰ δὲ μὴ τοῦτο πεποιήκοι, τροφὴν οὐκ ἐλάμβανεν ἡ ἐλέφασ. "καὶ μετὰ ταῦτα δι’ ὅλησ τῆσ ἡμέρασ τοὺσ καλάμουσ λαμβάνων ἐκ· "τῶν παρατιθεμένων χορτασμάτων καθεύδοντοσ τοῦ βρέφουσ τὰσ μυίασ ἀπεσόβει· "ὅτε δὲ κλαίοι, τῇ προβοσκίδι τὴν σκάφην ἐκίνει καὶ κατεκοίμιζεν αὐτό.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 85

(아테나이오스, The Deipnosophists, Book 13, book 13, chapter 85)

상위

목록

SEARCH

MENU NAVIGATION