헬라어 텍스트

Athenaeus, The Deipnosophists, Book 13, book 13, chapter 79

(아테나이오스, The Deipnosophists, Book 13, book 13, chapter 79)

παρὰ δὲ Σπαρτιάταισ, ὡσ Ἅγνων φησὶν ὁ Ἀκαδημαικόσ, πρὸ τῶν γάμων ταῖσ παρθένουσ ὡσ παιδικοῖσ νόμοσ ἐστὶν ὁμιλεῖν. καὶ γὰρ ὁ νομοθέτησ Σόλων ἔφη· μηρῶν ἱμείρων καὶ γλυκεροῦ στόματοσ.

Αἰσχύλοσ τε καὶ Σοφοκλῆσ ἀναφανδὸν ἔφασαν, ὁ μὲν Μυρμιδόσιν σέβασ δὲ μηρῶν ἁγνὸν οὐκ ἐπῃδέσω, ὦ δυσχάριστε τῶν πυκνῶν φιλημάτων, ὁ δ’ ἐν Κολχίσιν περὶ Γανυμήδουσ τὸν λόγον ποιούμενοσ· μηροῖσ ὑπαίθων τὴν Διὸσ τυραννίδα. πεπλάσθαι φησὶν Πολέμων ὁ περιηγητὴσ ἐν ταῖσ πρὸσ τὸν Νεάνθην Ἀντιγραφαῖσ.

ὑμεῖσ δέ, ὦ Κύνουλκε, τὰσ διηγήσεισ ταύτασ, κἂν ψευδεῖσ ὦσιν, ἀληθεῖσ εἶναι πιστεύετε, καὶ τὰ τοιαῦτα τῶν ποιημάτων ἃ περὶ τοὺσ παιδικούσ ἐστιν ἔρωτασ ἰδίωσ μελετᾶτε , ὁ τοῦ παιδεραστεῖν παρὰ πρώτων Κρητῶν εἰσ τοὺσ Ἕλληνασ παρελθόντοσ, ὡσ ἱστορεῖ Τίμαιοσ, ἄλλοι δέ φασι τῶν τοιούτων ἐρώτων κατάρξασθαι Λάιον ξενωθέντα παρὰ Πέλοπι καὶ ἐρασθέντα τοῦ υἱοῦ αὐτοῦ Χρυσίππου, ὃν καὶ ἁρπάσαντα καὶ ἀναθέμενον εἰσ ἁρ́μα εἰσ Θήβασ φυγεῖν. Πράξιλλα δ’ ἡ Σικυωνία ὑπὸ Διὸσ φησιν ἁρπασθῆναι τὸν Χρύσιππον. καὶ Κελτοὶ δὲ τῶν βαρβάρων καίτοι καλλίστασ ἔχοντεσ γυναῖκασ παιδικοῖσ μᾶλλον χαίρουσιν ὡσ πολλάκισ ἐνίουσ ἐπὶ ταῖσ δοραῖσ μετὰ δύο ἐρωμένων ἀναπαύεσθαι.

Πέρσασ δὲ παρ’ Ἑλλήνων φησὶν Ἡρόδοτοσ μαθεῖν τὸ παισὶν χρῆσθαι.