헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 5)

Φίλιπποσ δ’ ὁ Μακεδὼν οὐκ ἐπήγετο μὲν εἰσ τοὺσ πολέμουσ γυναῖκασ, ὥσπερ Δαρεῖοσ ὁ ὑπ’ Ἀλεξάνδρου καταλυθείσ, ὃσ περὶ τῶν ὅλων πολεμῶν τριακοσίασ ἑξήκοντα περιήγετο παλλακάσ, ὡσ ἱστορεῖ Δικαίαρχοσ ἐν τρίτῳ περὶ τοῦ τῆσ Ἑλλάδοσ Βίου· · ὁ δὲ Φίλιπποσ αἰεὶ κατὰ πόλεμον ἐγάμει. "ἐν ἔτεσι γοῦν εἴκοσι καὶ δυσὶν οἷσ ἐβασίλευεν, ὥσ φησι Σάτυροσ ἐν τῷ περὶ τοῦ Βίου αὐτοῦ, Αὐδάταν Ἰλλυρίδα γήμασ ἔσχεν ἐξ αὐτῆσ θυγατέρα Κύνναν ἔγημεν δὲ καὶ Φίλαν ἀδελφὴν Δέρδα καὶ Μαχάτα. "οἰκειώσασθαι δὲ θέλων καὶ τὸ Θετταλῶν ἔθνοσ ἐπαιδοποιήσατο ἐκ δύο Θετταλίδων γυναικῶν, ὧν ἡ μὲν ἦν Φεραία Νικησίπολισ, ἥτισ αὐτῷ ἐγέννησε Θετταλονίκην, ἡ δὲ Λαρισαία Φίλιννα, ἐξ ἧσ Ἀρριδαῖον ἐτέκνωσε. "προσεκτήσατο δὲ καὶ τὴν Μολοττῶν βασιλείαν γήμασ Ὀλυμπιάδα, ἐξ ἧσ ἔσχεν Ἀλέξανδρον καὶ Κλεοπάτραν. "καὶ τὴν Θρᾴκην δὲ ὅτε εἷλεν, ἧκε πρὸσ αὐτὸν Κοθήλασ ὁ τῶν Θρᾳκῶν βασιλεὺσ ἄγων Μήδαν τὴν θυγατέρα καὶ δῶρα πολλά. γήμασ δὲ καὶ ταύτην ἐπεισήγαγεν τῇ Ὀλυμπιάδι. "ἐπὶ πάσαισ δ’ ἔγημε Κλεοπάτραν ἐρασθεὶσ τὴν Ἱπποστράτου μὲν ἀδελφήν, Ἀττάλου δὲ ἀδελφιδῆν καὶ ταύτην ἐπεισάγων τῇ Ὀλυμπιάδι ἅπαντα τὸν βίον τὸν ἑαυτοῦ συνέχεεν. "εὐθέωσ γὰρ ἐν αὐτοῖσ τοῖσ γάμοισ ὁ μὲν Ἄτταλοσ · "νῦν μέντοι γνήσιοι, ἔφη, καὶ οὐ νόθοι βασιλεῖσ γεννηθήσονται. "’ καὶ ὁ Ἀλέξανδροσ ἀκούσασ ἔβαλεν ᾗ μετὰ χεῖρασ εἶχεν κύλικι τὸν Ἄτταλον, ἔπειτα κἀκεῖνοσ αὐτὸν τῷ ποτηρίῳ. καὶ μετὰ ταῦτα Ὀλυμπιὰσ μὲν εἰσ Μολοττοὺσ ἔφυγεν, Ἀλέξανδροσ δ’ εἰσ Ἰλλυριούσ, καὶ ἡ Κλεοπάτρα δ’ ἐγέννησε τῷ Φιλίππῳ θυγατέρα τὴν κληθεῖσαν Εὐρώπην. φιλογύνησ δ’ ἦν καὶ Εὐριπίδησ ὁ ποιητήσ.

Ιἑρώνυμοσ γοῦν ἐν Ἱστορικοῖσ Ὑπομνήμασίν φησιν οὕτωσ· "εἰπόντοσ Σοφοκλεῖ τινοσ ὅτι μισογύνησ ἐστὶν Εὐριπίδησ, ἔν γε ταῖσ τραγῳδίαισ, ἔφη ὁ Σοφοκλῆσ· "ἐπεὶ ἔν γε τῇ κλίνῃ φιλογύνησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 5

(아테나이오스, The Deipnosophists, Book 13, book 13, chapter 5)

상위

목록

SEARCH

MENU NAVIGATION