헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 89)

κατὰ τὸν Εὐριπίδην ‐ διαβόητοι γεγόνασι γυναῖκεσ Θαργηλία ἡ Μιλησία, ἥτισ καὶ τεσσαρεσκαίδεκα ἀνδράσιν ἐγαμήθη, οὖσα καὶ τὸ εἶδοσ πάνυ καλὴ καὶ σοφή, ὥσ φησιν Ἱππίασ ὁ σοφιστὴσ ἐν τῷ ἐπιγραφομένῳ Συναγωγή. Δίνων δ’ ἐν τῇ πέμπτῃ τῶν Περσικῶν τῆσ πρώτησ συντάξεώσ φησιν ὅτι ἡ Βαγαβάζου γυνή, ἥτισ ἦν ὁμοπάτριοσ Ξέρξου ἀδελφή, ὄνομα Ἀνοῦτισ, καλλίστη ἦν τῶν ἐν τῇ Ἀσίᾳ γυναικῶν καὶ ἀκολαστοτάτη. Φύλαρχοσ δὲ ἐν τῇ ἐννεακαιδεκάτῃ Τιμῶσάν φησι τὴν Ὀξυάρτου παλλακίδα πάσασ γυναῖκασ ὑπερβεβληκέναι κάλλει.

ταύτην δ’ ἀπεστάλκει δῶρον ὁ τῶν Αἰγυπτίων βασιλεὺσ Στατίρᾳ τῇ βασιλέωσ γυναικί.

Θεόπομποσ δὲ ἐν τῇ ἕκτῃ καὶ πεντηκοστῇ τῶν Ἱστοριῶν Ξενοπείθειαν τὴν Λυσανδρίδου μητέρα πασῶν τῶν κατὰ Πελοπόννησον γυναικῶν γεγονέναι καλλίονα. ἀπέκτειναν δὲ αὐτὴν Λακεδαιμόνιοι καὶ τὴν ἀδελφὴν αὐτῆσ Χρύσην, ὅτε καὶ τὸν Λυσανδρίδαν ἐχθρὸν ὄντα Ἀγησίλαοσ ὁ βασιλεὺσ καταστασιάσασ φυγαδευθῆναι ἐποίησεν ὑπὸ Λακεδαιμονίων, καλλίστη δ’ ἦν καὶ Παντίκα ἡ Κυπρία, περὶ ἧσ φησι Φύλαρχοσ ἐν τῇ δεκάτῃ τῶν Ἱστοριῶν ὅτι παρ’ Ὀλυμπιάδι οὖσαν τῇ Ἀλεξάνδρου μητρὶ ᾔτει πρὸσ γάμον Μόνιμοσ ὁ Πυθίωνοσ. καὶ ἐπεὶ ἦν ἀκόλαστοσ ἡ γυνή, ἔφη ἡ Ὀλυμπιάσ·

"ὦ πόνηρε, τοῖσ ὀφθαλμοῖσ γαμεῖσ καὶ οὐ τῷ νῷ. καὶ τὴν καταγαγοῦσαν δὲ Πεισίστρατον ἐπὶ τὴν τυραννίδα, ὡσ Ἀθηνᾶσ Παλληνίδοσ εἶδοσ ἔχουσαν, καλήν φησι γεγονέναι, ἥτισ καὶ τῇ θεῷ εἴκαστο τὴν μορφήν. στεφανόπωλισ δ’ ἦν καὶ αὐτὴν ἐξέδωκε πρὸσ γάμου κοινωνίαν ὁ Πεισίστρατοσ Ἱππάρχῳ τῷ υἱῷ, ὡσ Ἀντικλείδησ ἱστορεῖ ἐν η# Νόστων "ἐξέδωκεν δὲ καὶ Ἱππάρχῳ τῷ υἱεῖ τὴν παραιβατήσασαν αὑτῷ γυναῖκα Φύην τὴν Σωκράτουσ θυγατέρα, καὶ Χάρμου τοῦ πολεμαρχήσαντοσ θυγατέρα ἔλαβεν Ἱππίᾳ περικαλλεστάτην οὖσαν τῷ μετ’ αὐτὸν τυραννεύσαντι. "συνέβη δέ, ὥσ φησι, τὸν Χάρμον ἐραστὴν τοῦ Ἱππίου γενέσθαι καὶ τὸν πρὸσ Ἀκαδημίᾳ Ἔρωτα ἱδρύσασθαι πρῶτον, ἐφ’ οὗ ἐπιγέγραπται ποικιλομήχαν’ Ἔρωσ, σοὶ τόνδ’ ἱδρύσατο βωμὸν Χάρμοσ ἐπὶ σκιεροῖσ τέρμασι γυμνασίου.

Ἡσίοδοσ δ’ ἐν τρίτῳ Μελαμποδίασ τὴν ἐν Εὐβοίᾳ Χαλκίδα καλλιγύναικα εἶπεν.

εὐπρεπεῖσ γὰρ αὐτόθι γίγνονται γυναῖκεσ, ὡσ καὶ Θεόφραστοσ εἴρηκεν. καὶ Νυμφόδωροσ δ’ ἐν τῷ τῆσ Ἀσίασ Περίπλῳ καλλίονάσ φησι γίνεσθαι γυναῖκασ τῶν πανταχοῦ γυναικῶν ἐν Τενέδῳ τῇ Τρωικῇ νήσῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 13, book 13, chapter 89

(아테나이오스, The Deipnosophists, Book 13, book 13, chapter 89)

상위

목록

SEARCH

MENU NAVIGATION