헬라어 텍스트

Athenaeus, The Deipnosophists, Book 13, book 13, chapter 76

(아테나이오스, The Deipnosophists, Book 13, book 13, chapter 76)

καὶ ὁ Ῥηγῖνοσ δὲ Ἴβυκοσ βοᾷ καὶ κέκραγεν ἦρι μὲν αἵ τε Κυδώνιαι μαλίδεσ ἀρδόμεναι ῥόαι τ’ ἐκ ποταμῶν ἵνα παρθένων κᾶποσ ἀκήρατοσ, αἵ τ’ οἰνανθίδεσ αὐξόμεναι σκιεροῖσιν ὑφ’ ἑρ́νεσιν οἰναρέοισ θαλέθοισιν ἐμοὶ δ’ ἔροσ οὐδεμίαν κατάκοιτοσ ὡρ́αν ἅθ’ ὑπὸ στεροπᾶσ φλέγων Θρηίκιοσ βορέασ, ἀίσσων παρὰ Κύπριδοσ ἀζαλέαισ μανίαισιν ἐρεμνὸσ ἀθαμβὴσ ἐγκρατέωσ πάϊθεν φυλάσσει ἡμετέρασ φρένασ. καὶ Πίνδαροσ δ’ οὐ μετρίωσ ὢν ἐρωτικόσ φησιν εἰή καὶ ἐρᾶν καὶ ἔρωτι.

χαρίζεσθαι κατὰ καιρὸν μὴ πρεσβυτέραν ἀριθμοῦ δίωκε, θυμέ, πρᾶξιν, διόπερ καὶ ὁ Τίμων ἐν τοῖσ Σίλλοισ ἔφη· ὡρ́η ἐρᾶν, ὡρ́η δὲ γαμεῖν, ὡρ́η δὲ πεπαῦσθαι, καὶ μὴ ἀναμένειν ἔστ’ ἂν ἐκεῖνό τισ φθέγξηται κατὰ τὸν αὐτὸν τοῦτον φιλόσοφον ἡνίκ’ ἐχρῆν δύνειν, νῦν ἄρχεται ἡδύνεσθαι. μνησθεὶσ δὲ καὶ τοῦ Τενεδίου Θεοξένου ὁ Πίνδαροσ, ὃσ ἦν αὐτοῦ ἐρώμενοσ, τί φησιν;

χρῆν μὲν κατὰ καιρὸν ἐρώτων δρέπεσθαι, θυμέ, σὺν ἁλικίᾳ· τὰσ δὲ Θεοξένου ἀκτῖνασ ποτ’ ὄσσων μαρμαρυζοίσασ δρακεὶσ ὃσ μὴ πόθῳ κυμαίνεται, ἐξ ἀδάμαντοσ ἢ σιδάρου κεχάλκευται μέλαιναν καρδίαν ψυχρᾷ φλογί, πρὸσ δ’ Ἀφροδίτασ ἀτιμασθεὶσ ἑλικογλεφάρου ἢ περὶ χρήμασι μοχθίζει βιαίωσ ἢ γυναικείῳ θράσει ψυχὰν φορεῖται πᾶσαν ὁδὸν θεραπεύων. ἀλλ’ ἐγὼ θεᾶσ ἕκατι κηρὸσ ὣσ δαχθεὶσ ἕλᾳ ἱρᾶν μελισσᾶν τάκομαι, εὖτ’ ἂν ἴδω παίδων νεόγυιον ἐσ ἥβαν.

ἐν δὲ ἄρα καὶ Τενέδῳ Πειθὼ τ’ ἔναιεν καὶ Χάρισ υἱὸν ἀνᾶγ’ Ἁγησίλα.