Athenaeus, The Deipnosophists, Book 13, book 13, chapter 67

(아테나이오스, The Deipnosophists, Book 13, book 13, chapter 67)

"ἐκφέρων τε αὐτὴν ἐπὶ τὰσ ταφάσ, ὥσ φησι Ποσειδώνιοσ ἐν τῇ δευτέρᾳ καὶ εἰκοστῇ τῶν Ἱστοριῶν, τεχνιτῶν τῶν ἐπισημοτάτων χορῷ μεγάλῳ καὶ παντοίοισ ὀργάνοισ καὶ εὐφωνίαισ παρέπεμπε τὸ σῶμα. Δικαίαρχοσ δ’ ἐν τοῖσ περὶ τῆσ εἰσ Τροφωνίου Καταβάσεώσ φησι· "ταὐτὸ δὲ πάθοι τισ ἂν ἐπὶ τὴν Ἀθηναίων πόλιν ἀφικνούμενοσ κατὰ τὴν ἀπ’ Ἐλευσῖνοσ τὴν ἱερὰν ὁδὸν καλουμένην.

"καὶ γὰρ ἐνταῦθα καταστὰσ οὗ ἂν φανῇ τὸ πρῶτον ὁ τῆσ ’ Ἀθηνᾶσ ἀφορώμενοσ νεὼσ καὶ τὸ πόλισμα, ὄψεται παρὰ τὴν ὁδὸν αὐτὴν ᾠκοδομημένον μνῆμα οἱο͂ν οὐχ ἕτερον οὐδὲ σύνεγγυσ οὐδέν ἐστι τῷ μεγέθει. "τοῦτο δὲ τὸ μὲν πρῶτον, ὅπερ εἰκόσ, ἢ Μιλτιάδου φήσειεν ἂν σαφῶσ ἢ Περικλέουσ ἢ Κίμωνοσ ἤ τινοσ ἑτέρου τῶν ἀγαθῶν ἀνδρῶν εἶναι, καὶ μάλιστα μὲν ὑπὸ τῆσ πόλεωσ δημοσίᾳ κατεσκευασμένον, εἰ δὲ μή, δεδομένον κατασκευάσασθαι. "πάλιν δ’ ὅταν ἐξετάσῃ Πυθιονίκησ τῆσ ἑταίρασ ὄν, τίνα χρὴ προσδοκίαν λαβεῖν αὐτόν; "ἐπίσκεψαι δὲ καὶ διάκουσον σαφῶσ παρὰ τῶν ἐκ Βαβυλῶνοσ ὃν τρόπον Πυθιονίκην περιέστειλεν τελευτήσασαν, ἣ Βακχίδοσ μὲν ἦν δούλη τῆσ αὐλητρίδοσ, ἐκείνη δὲ Σινώπησ τῆσ Θρᾴττησ τῆσ ἐξ Αἰγίνησ Ἀθήναζε μετενεγκαμένησ τὴν πορνείαν ὥστε γίνεσθαι μὴ μόνον τρίδουλον, ἀλλὰ καὶ τρίπορνον αὐτήν, ἀπὸ πλειόνων δὲ ταλάντων ἢ διακοσίων δύο μνήματα κατεσκεύασεν αὐτῆσ·

"ὃ καὶ πάντεσ ἐθαύμαζον, ὅτι τῶν μὲν ἐν Κιλικίᾳ τελευτησάντων ὑπὲρ τῆσ σῆσ βασιλείασ καὶ τῆσ τῶν Ἑλλήνων ἐλευθερίασ οὐδέπω νῦν οὔτε ἐκεῖνοσ οὔτ’ ἄλλοσ οὐδεὶσ τῶν ἐπιστατῶν κεκόσμηκε τὸν τάφον, Πυθιονίκησ δὲ τῆσ ἑταίρασ φανήσεται τὸ μὲν Ἀθήνησιν, τὸ δ’ ἐν Βαβυλῶνι μνῆμα πολὺν ἤδη χρόνον ἐπιτετελεσμένον. "ἣν γὰρ πάντεσ ᾔδεσαν κοινῆσ δαπάνησ κοινὴν τοῖσ βουλομένοισ γιγνομένην, ταύτησ ἐτόλμησεν ὁ φίλοσ εἶναι σοῦ φάσκων ἱερὸν καί τέμενοσ ἱδρύσασθαι καὶ προσαγορεῦσαι τὸν ναὸν καὶ τὸν βωμὸν Πυθιονίκησ Ἀφροδίτησ, ἅμα τῆσ τε παρὰ θεῶν τιμωρίασ καταφρονῶν καὶ τὰσ σὰσ τιμὰσ προπηλακίζειν ἐπιχειρῶν. μνημονεύει τούτων καὶ Φιλήμων ἐν Βαβυλωνίῳ ·

βασίλισσ1’ ἔσῃ Βαβυλῶνοσ, ἂν οὕτω τύχῃ· τὴν Πυθιονίκην οἶσθα καὶ τὸν Ἅρπαλον. μνημονεύει δ’ αὐτῆσ καὶ Ἄλεξισ ἐν Λυκίσκῳ.

일치하는 문장이 없습니다.

SEARCH

MENU NAVIGATION