Athenaeus, The Deipnosophists, Book 13, book 13, chapter 70

(아테나이오스, The Deipnosophists, Book 13, book 13, chapter 70)

καὶ ἡ ἐξ Ἐρέσου δὲ τῆσ ποιητρίασ ὁμώνυμοσ ἑταίρα Σαπφὼ τοῦ καλοῦ Φάωνοσ ἐρασθεῖσα περιβόητοσ ἦν, ὥσ φησι Νυμφόδωροσ ἐν Περίπλῳ Ἀσίασ. Νικαρέτη δὲ ἡ Μεγαρὶσ οὐκ ἀγεννὴσ ἦν ἑταίρα, ἀλλὰ καὶ γονέων ἕνεκα καὶ κατὰ παιδείαν ἐπέραστοσ ἦν, ἠκροᾶτο δὲ Στίλπωνοσ τοῦ φιλοσόφου. Βιλιστίχη δ’ ἡ Ἀργεία ἑταίρα καὶ αὐτὴ ἔνδοξοσ, τὸ γένοσ ἀπὸ τῶν Ἀτρειδῶν σῴζουσα, ὡσ οἱ τὰ Ἀργολικὰ γράψαντεσ ἱστοροῦσιν. ἔνδοξοσ δ’ ἐστὶν καὶ Λέαινα ἡ ἑταίρα, Ἁρμοδίου ἐρωμένη τοῦ τυραννοκτονήσαντοσ·

· ἥτισ καὶ αἰκιζομένη ὑπὸ τῶν περὶ Ἱππίαν τὸν τύραννον οὐδὲν ἐξειποῦσα ἐναπέθανεν ταῖσ βασάνοισ. Στρατοκλῆσ δ’ ὁ ῥήτωρ ἐρωμένην εἶχε τὴν ἐπικληθεῖσαν Λήμην ἑταίραν, τὴν καλουμένην Παρόραμα καὶ Δίδραχμον διὰ τὸ καὶ δύο δραχμῶν φοιτᾶν πρὸσ τὸν βουλόμενον, ὥσ φησι Γοργίασ ἐν τῷ περὶ Ἑταιρῶν. ἐπὶ τούτοισ ὁ Μυρτίλοσ μέλλων σιωπᾶν "ἀλλὰ μικροῦ, ἔφη, ἄνδρεσ φίλοι, ἐξελαθόμην ὑμῖν εἰπεῖν τήν τε Ἀντιμάχου Λυδήν, προσέτι δὲ καὶ τὴν ὁμώνυμον ταύτησ ἑταίραν Λυδὴν ἣν ἠγάπα Λαμύνθιοσ ὁ Μιλήσιοσ. ἑκάτεροσ γὰρ τούτων τῶν ποιητῶν, ὥσ φησι Κλέαρχοσ ἐν τοῖσ Ἐρωτικοῖσ, τῆσ βαρβάρου Λυδῆσ εἰσ ἐπιθυμίαν καταστὰσ ἐποίησεν ὁ μὲν ἐν ἐλεγείοισ, ὁ δ’ ἐν μέλει τὸ καλούμενον ποίημα Λυδήν.

παρέλιπον δὲ καὶ τὴν Μιμνέρμου αὐλητρίδα Ναννὼ καὶ τὴν Ἑρμησιάνακτοσ τοῦ Κολοφωνίου Λεόντιον·

일치하는 문장이 없습니다.

SEARCH

MENU NAVIGATION