헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 10)

οὐδένα δὲ ὑμῶν ἀγνοεῖν οἰόμαι, ἄνδρεσ φίλοι, ὅτι καὶ οἱ μέγιστοι πόλεμοι διὰ γυναῖκασ ἐγένοντο. ὁ Ἰλιακὸσ δι’ Ἑλένην, ὁ λοιμὸσ διὰ Χρυσηίδα, Ἀχιλλέωσ μῆνισ διὰ Βρισηίδα· καὶ ὁ ἱερὸσ δὲ καλούμενοσ πόλεμοσ δι’ ἑτέραν γαμετήν, φησὶν Δοῦρισ ἐν δευτέρᾳ Ἰστοριῶν, Θηβαίαν γένοσ, ὄνομα Θεανώ, ἁρπασθεῖσαν ὑπὸ Φωκέωσ τινόσ, δεκαετὴσ δὲ καὶ οὗτοσ γενόμενοσ τῷ δεκάτῳ ἔτει Φιλίππου συμμαχήσαντοσ πέρασ ἔσχεν τότε γὰρ εἷλον οἱ Θηβαῖοι τὴν Φωκίδα, καὶ ὁ Κρισαικὸσ δὲ πόλεμοσ ὀνομαζόμενοσ, ὥσ φησι Καλλισθένησ ἐν τῷ περὶ τοῦ Ιἑροῦ Πολέμου, ὅτε Κιρραῖοι πρὸσ Φωκεῖσ ἐπολέμησαν, δεκαέτησ ἦν, ἁρπασάντων Κιρραίων τὴν Πελάγοντοσ τοῦ Φωκέωσ θυγατέρα Μεγιστὼ καὶ τὰσ Ἀργείων θυγατέρασ ἐπανιούσασ ἐκ τοῦ Πυθικοῦ ἱεροῦ, δεκάτῳ δὲ ἔτει ἑάλω καὶ ἡ Κίρρα, ἀνετράπησαν δὲ καὶ ὅλοι οἶκοι διὰ γυναῖκασ· ὁ Φιλίππου τοῦ Ἀλεξάνδρου πατρὸσ διὰ τὸν Κλεοπάτρασ γάμον, ὁ ̔ Ἡρακλέουσ διὰ τὴν Ιὄλησ ἐπιγαμίαν τῆσ Εὐρύτου θυγατρόσ, ὁ Θησέωσ διὰ τὴν Φαίδρασ τῆσ Μίνωοσ, ὁ Ἀθάμαντοσ διὰ τὸν Θεμιστοῦσ τῆσ Ὑψέωσ, ὁ Ιἄσονοσ διὰ τὸν Γλαύκησ τῆσ Κρέοντοσ, ὁ Ἀγαμέμνονοσ διὰ Κασσάνδραν, καὶ ἡ ἐπ’ Αἴγυπτον δὲ Καμβύσου στρατεία, ὥσ φησι Κτησίασ, διὰ γυναῖκα ἐγένετο.

ὁ γὰρ Καμβύσησ πυνθανόμενοσ τὰσ Αἰγυπτίασ γυναῖκασ ἐν ταῖσ συνουσίαισ διαφέρειν τῶν ἄλλων ἔπεμψεν πρὸσ Ἄμασιν τὸν Αἰγυπτίων βασιλέα, μίαν αἰτῶν πρὸσ γάμον τῶν θυγατέρων, ὁ δὲ τῶν μὲν ἑαυτοῦ οὐκ ἔδωκεν, ὑπονοήσασ μὴ γυναικὸσ ἕξειν αὐτὴν τιμὴν ἀλλὰ παλλακίδοσ·

ἔπεμψε δὲ τὴν Ἀπρίου θυγατέρα Νειτῆτιν.

ὁ δὲ Ἀπρίασ ἐκπεπτώκει τῆσ Αἰγυπτίων βασιλείασ διὰ τὴν γενομένην ἧτταν πρὸσ Κυρηναίουσ καὶ ἀνῄρητο ὑπὸ Ἀμάσιδοσ. ἡσθεὶσ οὖν ὁ Καμβύσησ τῇ Νειτήτιδι καὶ σφόδρα ἐρεθισθεὶσ ἐκμανθάνει παρ’ αὐτῆσ τὰ πάντα καὶ δεηθείσησ ἐκδικῆσαι τοῦ Ἀπρίου τὸν φόνον πείθεται πολεμῆσαι Αἰγυπτίοισ. Δίνων δ’ ἐν τοῖσ Περσικοῖσ καὶ Λυκέασ ὁ Ναυκρατίτησ ἐν τρίτῃ Αἰγυπτιακῶν τὴν Νειτῆτιν Κύρῳ πεμφθῆναί φασιν ὑπὸ Ἀμάσιδοσ· ἐξ ἧσ γεννηθῆναι τὸν Καμβύσην, ὃν ἐκδικοῦντα τῇ μητρὶ ἐπ’ Αἴγυπτον ποιήσασθαι στρατείαν.

Δοῦρισ δ’ ὁ Σάμιοσ καὶ πρῶτον· γενέσθαι πόλεμόν φησι δύο γυναικῶν τὸν Ὀλυμπιάδοσ καὶ Εὐρυδίκησ· ἐν ᾧ τὴν μὲν βακχικώτερον μετὰ τυμπάνων προελθεῖν, τὴν δ’ Εὐρυδίκην Μακεδονικῶσ καθωπλισμένην, ἀσκηθεῖσαν τὰ πολεμικὰ παρά Κύννῃ τῇ Ἰλλυρίδι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 10

(아테나이오스, The Deipnosophists, Book 13, book 13, chapter 10)

상위

목록

SEARCH

MENU NAVIGATION