Athenaeus, The Deipnosophists, Book 13, book 13, chapter 4

(아테나이오스, The Deipnosophists, Book 13, book 13, chapter 4)

ὁ δὲ ̔ Ἡρακλῆσ πλείστασ δόξασ ἐσχηκέναι γυναῖκασ ἦν γὰρ φιλογύνησ ἀνὰ μέροσ αὐτὰσ εἶχεν, ὡσ ἂν στρατευόμενοσ καὶ κατὰ διάφορα γιγνόμενοσ χωρία· ἐξ ὧν καὶ τὸ τῶν τέκνων αὐτῷ πλῆθοσ ἐγένετο.

ἐν ἑπτὰ μέντοι γε ἡμέραισ πεντήκοντα διεπαρθένευσε Θεστίου κόρασ, ὡσ Ἡρόδωροσ ἱστορεῖ. πολυγύναιοσ δ’ ἐγένετο καὶ Αἰγεύσ· πρώτην μὲν γὰρ ἔγημε τὴν Ὅπλητοσ θυγατέρα, μεθ’ ἣν τῶν Χαλκώδοντοσ μίαν. παραδοὺσ δ’ ἀμφοτέρασ φίλοισ συνῆν πολλαῖσ χωρὶσ γάμων, ἔπειτα τὴν Πιτθέωσ ἔλαβεν Αἴθραν, μεθ’ ἣν Μήδειαν. Θησεὺσ δὲ Ἑλένην ἁρπάσασ ἑξῆσ καὶ Ἀριάδνην ἡρ́πασεν.

Ἴστροσ γοῦν ἐν τῇ τεσσαρεσκαιδεκάτῃ τῶν Ἀττικῶν καταλέγων τὰσ τοῦ Θησέωσ γενομένασ γυναῖκάσ φησιν τὰσ μὲν αὐτῶν ἐξ ἔρωτοσ γεγενῆσθαι, τὰσ δ’ ἐξ ἁρπαγῆσ, ἄλλασ δ’ ἐκ νομίμων γάμων ἐξ ἁρπαγῆσ μὲν Ἑλένην, Ἀριάδνην, Ἱππολύτην, καὶ τὰσ Κερκύονοσ καὶ Σίνιδοσ θυγατέρασ, νομίμωσ δ’ αὐτὸν γῆμαι Μελίβοιαν τὴν Αἰάντοσ μητέρα. Ἡσίοδοσ δέ φησιν καὶ Ἵππην καὶ Αἴγλην, δι’ ἣν καὶ τοὺσ πρὸσ Ἀριάδνην ὁρ́κουσ παρέβη, ὥσ φησι Κέρκωψ. Φερεκύδησ δὲ προστίθησι καὶ Φερέβοιαν.

πρὸ δὲ τῆσ Ἑλένησ καὶ ἐκ Τροιζῆνοσ ἡρ́πασεν Ἀναξώ. μετὰ δὲ τὴν Ἱππολύτην Φαίδραν ἔσχεν.

일치하는 문장이 없습니다.

SEARCH

MENU NAVIGATION