헬라어 텍스트

Athenaeus, The Deipnosophists, Book 13, book 13, chapter 46

(아테나이오스, The Deipnosophists, Book 13, book 13, chapter 46)

μέχρι μὲν τούτων μνημονεύω τῶν ὑπὸ τοῦ Μάχωνοσ εἰρημένων. αἱ γὰρ καλαὶ ἡμῶν Ἀθῆναι τοσοῦτον πλῆθοσ ἤνεγκαν ἑταιρῶν, περὶ ὧν ἐπεξελεύσομαι ὅσον γε δύναμαι, ὅσον ὄχλον εὐανδροῦσα πόλισ οὐκ ἔσχεν. ἀναγέγραφε γοῦν Ἀριστοφάνησ μὲν ὁ Βυζάντιοσ ἑκατὸν καὶ λε’, Ἀπολλόδωροσ δὲ τούτων πλείουσ, ὁ Γοργίασ δὲ πλέονασ, παραλειφθῆναι φάσκοντεσ ὑπὸ τοῦ Ἀριστοφάνουσ μετὰ ἑταιρῶν πλειόνων καὶ τάσδε, τὴν Πάροινον ἐπικληθεῖσαν καὶ Λαμπυρίδα καὶ Εὐφροσύνην αὕτη δὲ ἦν γναφέωσ θυγάτηρ. ἄγραφοι δ’ εἰσὶν αὐτῷ Μεγίστη, Ἀγαλλίσ, Θαυμάριον, Θεόκλεια αὕτη δ’ ἐπεκαλεῖτο Κορώνη, Ληναιτόκυστοσ, Ἄστρα, Γνάθαινα καὶ ταύτησ θυγατριδῆ Γναθαίνιον, καὶ Σιγὴ καὶ Συνωρὶσ ἡ Λύχνοσ ἐπικαλουμένη, καὶ Εὔκλεια καὶ Γρυμέα καὶ Θρυαλλίσ, ἔτι Χίμαιρα καὶ Λαμπάσ, τῆσ δὲ Γναθαίνησ ἤρα δεινῶσ, ὡσ καὶ πρότερον εἴρηται, Δίφιλοσ ὁ κωμῳδιοποιόσ, ὡσ καὶ Λυγκεὺσ ὁ Σάμιοσ ἐν τοῖσ Ἀπομνημονεύμασιν ἱστορεῖ.

ἐν ἀγῶνι οὖν ποτε αὐτὸν ἀσχημονήσαντα σφόδρα ἀρθῆναι ἐκ τοῦ θεάτρου συνέβη καὶ οὐδὲν ἧττον λθειν πρὸσ τὴν Γνάθαιναν. "τί γάρ, εἶπεν, οὐκ ἠρμένοσ ἥκεισ;

σφόδρα δ’ ἦν εὔθικτοσ πρὸσ τὰσ ἀποκρίσεισ ἡ Γνάθαινα. καὶ ἄλλαι δὲ ἑταῖραι μέγα ἐφρόνουν ἐφ’ αὑταῖσ, παιδείασ ἀντεχόμεναι καὶ τοῖσ μαθήμασι χρόνον ἀπομερίζουσαι · διόπερ καὶ εὔθικτοι πρὸσ τὰσ ἀπαντήσεισ ἦσαν. "τὴν αὐτήν, ἔφη, ἔχομεν αἰτίαν, ὦ Στίλπων.

κατὰ γὰρ τὸν Ἀγάθωνα· ψυχῆσ φρόνησιν ἐντὸσ οὐκ ἀργὸν φορεῖ.