헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 95)

καὶ μετὰ ταῦτα πάλιν καταδρομὴν αὐτοῦ ποιησάμενοσ ὡσ ἐδανείσατο, ὡσ οὔτε τόκουσ οὔτε τἀρχαῖον ἀπεδίδου, καὶ ὅτι ὑπερήμεροσ ἐγένετο γνώμῃ δικαστηρίου ἐρήμην καταδικασθείσ, καὶ ὡσ ἠνεχυράσθη οἰκέτησ αὐτοῦ στιγματίασ, καὶ πολλὰ ἄλλα κατειπὼν αὐτοῦ ἐπιλέγει ταῦτα· "ἀλλὰ γάρ, ὦ ἄνδρεσ δικασταί, οὐκ εἰσ ἐμὲ μόνον τοιοῦτόσ ἐστιν, ἀλλὰ καὶ εἰσ τοὺσ ἄλλουσ ἅπαντασ τοὺσ αὐτῷ κεχρημένουσ, οὐχ οἱ μὲν κάπηλοι οἱ ἐγγὺσ οἰκοῦντεσ, παρ’·

"ὧν προδόσεισ λαμβάνων οὐκ ἀποδίδωσι, δικάζονται αὐτῷ συγκλείσαντεσ τὰ καπηλεῖα, οἱ δὲ γείτονεσ οὕτωσ ὑπ’ αὐτοῦ δεινὰ πάσχουσιν ὥστ’ ἐκλιπόντεσ τὰσ αὑτῶν οἰκίασ ἑτέρασ πόρρω μισθοῦνται; "ὅσουσ δ’ ἐράνουσ συνείλεκται, τὰσ μὲν ὑπολοίπουσ φοράσ· "οὐ κατατίθησιν, ἀλλὰ περὶ τοῦτον τὸν κάπηλον ὡσ περὶ στήλην διαφθείρονται, τοσοῦτοι δὲ ἐπὶ τὴν οἰκίαν ἅμα τῇ ἡμέρᾳ ἀπαιτήσοντεσ τὰ ὀφειλόμενα ἔρχονται ὥστε οἰέσθαι τοὺσ παριόντασ ἐπ’ ἐκφορὰν αὐτοὺσ ἥκειν τούτου τεθνεῶτοσ. "οὕτω δ’ οἱ ἐν τῷ Πειραιεῖ διάκεινται ὥστε πολὺ ἀσφαλέστερον εἶναι δοκεῖν εἰσ τὸν Ἀδρίαν πλεῖν ἢ τούτῳ συμβάλλειν. "πολὺ γὰρ μᾶλλον ἃ ἂν δανείσηται αὑτοῦ νομίζει εἶναι ἢ ἃ ὁ πατὴρ αὐτῷ κατέλιπεν. "ἀλλὰ γὰρ οὐ τὴν οὐσίαν κέκτηται Ἑρμαίου τοῦ μυροπώλου, τὴν γυναῖκα διαφθείρασ ἑβδομήκοντα ἔτη γεγονυῖαν; "ἧσ ἐρᾶν προσποιησάμενοσ οὕτω διέθηκεν ὥστε τὸν μὲν ἄνδρα αὐτῆσ καὶ τοὺσ υἱοὺσ πτωχοὺσ ἐποίησεν, αὑτὸν δὲ ἀντὶ καπήλου μυροπώλην ἀπέδειξεν οὕτωσ ἐρωτικῶσ τὸ κόριον μετεχειρίζετο τῆσ ἡλικίασ αὐτῆσ ἀπολαύων, ἧσ ῥᾷον τοὺσ ὀδόντασ ἀριθμῆσαι, ὅσῳ ἐλάττουσ ἦσαν, ἢ τῆσ χειρὸσ τοὺσ δακτύλουσ, καί μοι ἀνάβητε τούτων μάρτυρεσ. "ὁ μὲν οὖν βίοσ τοῦ σοφιστοῦ τοιοῦτοσ. ὁ μὲν οὖν Λυσίασ, ὦ Κύνουλκε, οὕτωσ, ἐγὼ δὲ κατὰ τὸν Ἀρίσταρχον τὸν τραγικὸν ποιητὴν τάδ’ οὐχ ὑπάρχων, ἀλλὰ τιμωρούμενοσ, καταπαύσω τὸν πρὸσ σὲ καὶ τοὺσ ἄλλουσ κύνασ ἐνταῦθα λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 95

(아테나이오스, The Deipnosophists, Book 13, book 13, chapter 95)

상위

목록

SEARCH

MENU NAVIGATION