헬라어 텍스트

Athenaeus, The Deipnosophists, Book 13, book 13, chapter 39

(아테나이오스, The Deipnosophists, Book 13, book 13, chapter 39)

Μάχων δ’ ὁ κωμῳδιοποιὸσ ἐν ταῖσ ἐπιγραφομέναισ Χρείαισ φησὶν οὕτωσ· ὑπερβολῇ δὲ τῆσ Λεαίνησ σχῆμά τι περαινομένησ εὖ παρά τε τῷ Δημητρίῳ εὐημερούσησ, φασὶ καὶ τὴν Λάμιαν τὸν βασιλέ’ εὐμελῶσ κελητίσαι ποτὲ ἐπαινεθῆναὶ θ’. ἡ δὲ τοῦτ’ ἀπεκρίθη· πρὸσ ταῦτα καὶ Λέαιναν, εἰ βούλει, κράτει. ἦν δὲ ἡ Λάμια σφόδρα εὔθικτοσ καὶ ἀστική πρὸσ τὰσ ἀποκρίσεισ, καθάπερ καὶ Γνάθαινα, περὶ ἧσ ἐροῦμεν. πάλιν δὲ περὶ τῆσ Λαμίασ ὁ Μάχων οὕτω γράφει·

δημήτριόσ ποθ’ ὁ βασιλεὺσ γένη μύρων Λαμίᾳ παρὰ πότον παντοδαπῶν ἐπεδείκνυτο. ἡ Λάμια δ’ ἦν αὐλητρὶσι ἧσ σφόδρ’ ἡδέωσ σχεῖν φασι κνησθῆναί τε τὸν Δημήτριον. ἀποδοκιμαζούσησ δὲ πάντα καὶ πάνυ κατεγχλιδώσησ τῷ βασιλεῖ , νάρδον τινὰ διένευσ1’ ἐνεγκεῖν εὐχερῆ, τῇ χειρί τε ταἰδοῖον ἀποτρίψασ, θιγὼν τοῖσ δακτύλοισ τουτὶ γε, Λάμια, φησίν, ὀσφράνθητι καὶ εἴσει παρὰ τἄλλα διαφορὰν ὅσην ἔχει. κείνη δὲ γελάσασ1’ ἀλλὰ τοῦτ’, ἔφη, τάλαν, ὄζειν δοκεῖ μοι σαπρότατον πάντων πολύ.

Δημήτριοσ δ’ εἶπ’· ἀλλὰ μήν, νὴ τοὺσ θεούσ, ἀπὸ βαλάνου τοῦτ’ ἐστί, Λάμια, βασιλικῆσ.