헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 3)

παρὰ δὲ Πέρσαισ ἀνέχεται ἡ βασίλεια τοῦ πλήθουσ τῶν παλλακίδων διὰ τὸ ὡσ δεσπότην ἄρχειν τῆσ γαμετῆσ τὸν βασιλέα, ἔτι δὲ καὶ διὰ τὸ τὴν βασιλίδα, ὥσ φησιν Δίνων ἐν τοῖσ Περσικοῖσ, ὑπὸ τῶν παλλακίδων θρησκεύεσθαι προσκυνοῦσι γοῦν αὐτήν. καὶ ὁ Πρίαμοσ δὲ πολλαῖσ χρῆται γυναιξὶ καὶ ἡ Ἑκάβη οὐ δυσχεραίνει, λέγει γοῦν ὁ Πρίαμοσ· ἐννεακαίδεκα μέν μοι ἰῆσ ἐκ νηδύοσ ἦσαν, τοὺσ δ’ ἄλλουσ μοι ἔτικτον ἐνὶ μεγάροισι γυναῖκεσ, παρὰ δὲ τοῖσ Ἕλλησιν οὐκ ἀνέχεται ἡ τοῦ Φοίνικοσ μήτηρ τὴν τοῦ Ἀμύντοροσ παλλακίδα.

Μήδεια δὲ καίπερ εἰδυῖα τὸ ἔθοσ ὅτι ἐστὶ βαρβαρικὸν οὐ φέρει οὐδὲ αὐτὴ τὸν Γλαύκησ γάμον, ἤδη εἰσ τὰ ἀμείνω καὶ Ἑλληνικὰ ἐκδεδιῃτημένη. καὶ ἡ Κλυταιμήστρα δὲ περιπαθὴσ γενομένη τὴν Κασσάνδραν σὺν αὐτῷ τῷ Ἀγαμέμνονι ἀποκτείνει, ἣν εἰσ τὴν Ἑλλάδα ὁ κρείων ἐπηγάγετο, ἐν ἔθει γενόμενοσ βαρβαρικῶν γάμων. "θαυμάσαι δ’ ἂν τισ, φησὶν Ἀριστοτέλησ, ὅτι οὐδαμοῦ τῆσ Ἰλιάδοσ Ὅμηροσ ἐποίησε Μενελάῳ συγκοιμωμένην παλλακίδα, πᾶσι δοὺσ γυναῖκασ. "κοιμῶνται γοῦν παρ’ αὐτῷ καὶ οἱ γέροντεσ μετὰ γυναικῶν, Νέστωρ καὶ Φοῖνιξ. "οὐ γὰρ ἦσαν οὗτοι ἐκλελυμένοι τοῖσ σώμασιν ἐν τοῖσ τῆσ νεότητοσ χρόνοισ ἢ διὰ μέθησ ἢ δἰ ἀφροδισίων ἢ καὶ διὰ τῆσ ἐν ταῖσ ἀδηφαγίαισ ἀπεψίασ, ὥστε εἰκότωσ ἔρρωντο τῷ γήρᾳ. ἐοίκεν οὖν ὁ Σπαρτιάτησ αἰδεῖσθαι γαμετὴν οὖσαν τὴν Ἑλένην, ὑπὲρ ἧσ καὶ τὴν στρατείαν ἤθροισεν διόπερ φυλάττεται τὴν πρὸσ ἄλλην κοινωνίαν. "ὁ δ’ Ἀγαμέμνων ὡσ πολυγύναιοσ ὑπὸ Θερσίτου λοιδορεῖται· "πλεῖαί τοι χαλκοῦ κλισίαι, πολλαὶ δὲ γυναῖκεσ εἰσὶν ἐνὶ κλισίῃσ ἐξαίρετοι, ἅσ τοι Ἀχαιοὶ πρωτίστῳ δίδομεν. "ἀλλ’ οὐκ εἰκόσ, φησὶν ὁ Ἀριστοτέλησ, εἰσ χρῆσιν εἶναι τὸ πλῆθοσ τῶν γυναικῶν, ἀλλ’ εἰσ γέρασ· "ἐπεὶ οὐδὲ τὸν πολὺν οἶνον εἰσ τὸ μεθύειν παρεσκευάσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 3

(아테나이오스, The Deipnosophists, Book 13, book 13, chapter 3)

상위

목록

SEARCH

MENU NAVIGATION