Athenaeus, The Deipnosophists, Book 13, book 13, chapter 62

(아테나이오스, The Deipnosophists, Book 13, book 13, chapter 62)

ἀλλὰ μὴν καὶ Ἰσοκράτησ ὁ τῶν ῥητόρων αἰδημονέστατοσ Μετάνειραν εἶχεν ἐρωμένην καὶ Λαγίσκαν, ὁ ὡσ Λυσίασ ἱστορεῖ ἐν ταῖσ Ἐπιστολαῖσ. Δημοσθένησ δ’ ἐν τῷ κατὰ Νεαίρασ τὴν Μετάνειραν τοῦ Λυσίου φησὶν ἐρωμένην εἶναι.

ἥττητο δὲ καὶ ὁ Λυσίασ Λαγίδοσ τῆσ ἑταίρασ, ἧσ ἔγραψεν ἐγκώμιον Κέφαλοσ ὁ ῥήτωρ· καθάπερ καὶ Ἀλκιδάμασ ὁ Ἐλαίτησ ὁ Γοργίου μαθητὴσ ἔγραψεν καὶ αὐτὸσ ἐγκώμιον Ναίδοσ τῆσ ἑταίρασ. τὴν δὲ Ναίδα ταύτην Λυσίασ ἐν τῷ κατὰ Φιλωνίδου βιαίων, εἰ γνήσιοσ ὁ λόγοσ, ἐρωμένην φησὶ γενέσθαι Φιλωνίδου γράφων ὧδε· "ἔστιν οὖν γυνὴ ἑταίρα Ναῒσ ὄνομα, ἧσ Ἀρχίασ κύριόσ ἐστιν, ὁ ο Ὑμέναιοσ ἐπιτήδειοσ, ὁ Φιλωνίδησ δ’ ἐρᾶν φησιν. μνημονεύει αὐτῆσ καὶ Ἀριστοφάνησ ἐν τῷ Γηρυτάδῃ. μήποτε δὲ κἀν τῷ Πλούτῳ ἐν ᾧ λέγει·

ἐρᾷ δὲ Λαὶσ οὐ διὰ σὲ Φιλωνίδου; γραπτέον Ναὶσ καὶ οὐ Λαΐσ. Ἕρμιπποσ δ’ ἐν τῷ περὶ Ἰσοκράτουσ προβαίνοντά φησι τῇ ἡλικίᾳ τὸν Ἰσοκράτη ἀναλαβεῖν Λαγίσκαν τὴν ἑταίραν εἰσ τὴν οἰκίαν, ἐξ ἧσ καὶ γενέσθαι αὐτῷ θυγάτριον. μνημονεύει δ’ αὐτῆσ Στράττισ ἐν τούτοισ· καὶ τὴν Λαγίσκαν τὴν Ἰσοκράτουσ παλλακὴν ἰδεῖν με συκάζουσαν εὐναίαν ἔτι, τὸν τ’ αὐλοτρύπην αὐτὸν εἶθ’ ἥκειν ταχύ. καὶ Λυσίασ δ’ ἐν τῷ κατὰ Λαίδοσ, εἰ γνήσιοσ ὁ λόγοσ, μνημονεύει αὐτῆσ, καταλέγων καὶ ἄλλασ ἑταίρασ ἐν τούτοισ·

"Φιλύρα γέ τοι ἐπαύσατο πορνευομένη ἔτι νέα οὖσα καὶ Σκιώνη καὶ Ἱππάφεσισ καὶ Θεόκλεια καὶ Ψαμάθη καὶ Λαγίσκα καὶ Ἄνθεια καὶ Ἀριστόκλεια.

일치하는 문장이 없습니다.

SEARCH

MENU NAVIGATION