헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 64)

Μυρρίνην δὲ τὴν Σαμίαν ἑταίραν Δημήτριοσ εἶχεν ὁ βασιλεὺσ ὁ τῆσ διαδοχῆσ τελευταῖοσ καὶ ἔξω τοῦ διαδήματοσ κοινωνὸν εἶχε τῆσ βασιλείασ, ὥσ φησιν Νικόλαοσ ὁ Δαμασκηνόσ. Πτολεμαῖόσ τε ὁ τὴν ἐν Ἐφέσῳ διέπων φρουρὰν υἱὸσ ὢν τοῦ Φιλαδέλφου βασιλέωσ Εἰρήνην εἶχε τὴν ἑταίραν, ἥτισ ὑπὸ Θρᾳκῶν ἐν Ἐφέσῳ ἐπιβουλευομένου τοῦ Πτολεμαίου καὶ καταφυγόντοσ εἰσ τὸ τῆσ Ἀρτέμιδοσ ἱερὸν συγκατέφυγεν καὶ ἀποκτεινάντων αὐτὸν ἐκείνων ἡ Εἰρήνη ἐχομένη τῶν ῥόπτρων τῶν θυρῶν τοῦ ἱεροῦ ἔρραινεν τοῦ αἵματοσ τοὺσ βωμούσ, ἑώσ καὶ αὐτὴν κατέσφαξαν. Δανάην δὲ τὴν Λεοντίου τῆσ Ἐπικουρείου θυγατέρα ἑταιριζομένην καὶ αὐτὴν Σώφρων εἶχεν ὁ ἐπὶ τῆσ Ἐφέσου·

δι’ ἣν αὐτὸσ μὲν ἐσώθη ἐπιβουλευόμενοσ ὑπὸ Λαοδίκησ, ἡ δὲ κατεκρημνίσθη, ὡσ γράφει Φύλαρχοσ διὰ τῆσ δωδεκάτησ λέγων τάδε· "ἡ πάρεδροσ τῆσ Λαοδίκησ Δανάη, πιστευομένη ὑπ’ αὐτῆσ τὰ πάντα, Λεοντίου δ’ οὖσα τῆσ μετ’ Ἐπικούρου τοῦ φυσικοῦ σχολασάσησ θυγάτηρ, Σώφρονοσ δὲ γεγονυῖα πρότερον ἐρωμένη, παρακολουθοῦσα διότι ἀποκτεῖναι βούλεται τὸν Σώφρονα ἡ Λαοδίκη διανεύει τῷ Σώφρονι, μηνύουσα τὴν ἐπιβουλήν.

ὁ δὲ συλλαβὼν καὶ προσποιηθεὶσ συγχωρεῖν περὶ ὧν λέγει δύ’ ἡμέρασ παρῃτήσατο εἰσ σκέψιν· "καὶ συγχωρησάσησ νυκτὸσ ἔφυγεν εἰσ Ἔφεσον. "μαθοῦσα δὲ ἡ Λαοδίκη τὸ ποιηθὲν ὑπὸ τῆσ Δανάησ κατεκρήμνισεν τὴν ἄνθρωπον, οὐδὲν τῶν προγεγενημένων φιλανθρώπων ἐπὶ νοῦν βαλομένη. "τὴν δὲ Δανάην φασίν, ὡσ ᾔσθετο τὸν ἐπηρτημένον αὐτῇ κίνδυνον, ἀνακρινομένην ὑπὸ τῆσ Λαοδίκησ οὐδ’ ἀποκρίσεωσ αὐτὴν ἀξιῶσαι · "ἀπαγομένην τε ἐπὶ τὸν κρημνὸν εἰπεῖν ὡσ δικαίωσ οἱ πολλοὶ καταφρονοῦσι τοῦ θείου, ὅτε ’ ἐγὼ μὲν τὸν γενόμενόν μοι ἄνδρα σώσασα τοιαύτην χάριτα παρὰ τοῦ δαιμονίου λαμβάνω, Λαοδίκη δὲ τὸν ἴδιον ἀποκτείνασα τηλικαύτησ τιμῆσ ἀξιοῦται. ὁ δ’ αὐτὸσ Φύλαρχοσ καὶ περὶ Μύστασ ἱστορεῖ ἐν τῇ τεσσαρεσκαιδεκάτῃ οὕτωσ·

"Μύστα Σελεύκου τοῦ βασιλέωσ ἐρωμένη ἦν·

"ἥτισ ὑπὸ Γαλατῶν Σελεύκου νικηθέντοσ καὶ μόλισ ἐκ τῆσ φυγῆσ διασωθέντοσ αὐτὴ μεταμφιεσαμένη τὴν βασιλικὴν ἐσθῆτα καὶ ῥάκια λαβοῦσα θεραπαινίδοσ τῆσ τυχούσησ συλληφθεῖσα ἀπήχθη μετὰ τῶν ἄλλων αἰχμαλώτων καὶ πραθεῖσα ὁμοίωσ ταῖσ ἑαυτῆσ θεραπαινίσιν ἦλθεν εἰσ Ῥόδον· "ἔνθα ἐκφήνασα ἑαυτὴν ἥτισ ἦν περισπουδάστωσ ὑπὸ τῶν Ῥοδίων τῷ Σελεύκῳ διεπέμφθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 64

(아테나이오스, The Deipnosophists, Book 13, book 13, chapter 64)

상위

목록

SEARCH

MENU NAVIGATION