Athenaeus, The Deipnosophists, Book 13, book 13, chapter 33

(아테나이오스, The Deipnosophists, Book 13, book 13, chapter 33)

ὑπάρχοντοσ οὖν τοῦ τοιούτου νομίμου περὶ τὴν θεὸν Ξενοφῶν ὁ Κορίνθιοσ ἐξιὼν εἰσ Ὀλυμπίαν ἐπὶ τὸν ἀγῶνα καὶ αὐτὸσ ἀπάξειν ἑταίρασ εὔξατο τῇ θεῷ νικήσασ. ὕστερον δὲ καὶ σκόλιον τὸ παρὰ τὴν θυσίαν ᾀσθέν, ἐν ᾧ τὴν ἀρχὴν εὐθέωσ πεποίηται πρὸσ τὰσ ἑταίρασ αἳ παραγενομένου τοῦ Ξενοφῶντοσ καὶ θύοντοσ τῇ Ἀφροδίτῃ συνέθυσαν.

διόπερ ἔφη· ὦ Κύπρου δέσποινα, τεὸν δεῦτ’ ἐσ ἄλσοσ φορβάδων κορᾶν ἀγέλαν ἑκατόγγυιον Ξενοφῶν τελέαισ ἐπήγαγ’ εὐχωλαῖσ ἰανθείσ. ἤρξατο δ’ οὕτωσ τοῦ μέλουσ· πολύξεναι νεάνιδεσ ἀμφίπολοι πειθοῦσ ἐν ἀφνειῷ Κορίνθῳ, αἵ τε τὰσ χλωρᾶσ λιβάνου ξανθὰ δάκρη θυμιᾶτε, πολλάκι ματέρ’ Ἐρώτων οὐρανίαν πτάμεναι νόημα ποττὰν Ἀφροδίταν·

ὑμῖν ἄνευθεν ἐπαγορίασ ἔπορεν, ὦ παῖδεσ, ἐρατειναῖσ ἐν εὐναῖσ μαλθακᾶσ ὡρ́ασ ἀπὸ καρπὸν δρέπεσθαι. σὺν δὲ ἀνάγκᾳ πᾶν καλόν. ἀρξάμενοσ θ’ οὕτωσ ἑξῆσ φησιν ἀλλὰ θαυμάζω τί με λεξοῦντι Ἰσθμοῦ δεσπόται τοιάνδε μελίφρονοσ ἀρχὰν εὑρόμενον σκολιοῦ, ξυνάορον ξυναῖσ γυναιξί. δῆλον γὰρ ὅτι πρὸσ τὰσ ἑταίρασ διαλεγόμενοσ ἠγωνία ποῖόν τι φανήσεται τοῖσ Κορινθίοισ τὸ πρᾶγμα. πιστεύων δέ, ὡσ ἐοίκεν, αὐτὸσ αὑτῷ πεποίηκεν εὐθέωσ·

ἐδιδάξαμεν χρυσὸν καθαρᾷ, βασάνῳ. ὅτι δὲ καὶ Ἀφροδίσια ἴδια ἄγουσιν αὐτόθι αἱ ἑταῖραι, Ἄλεξισ ἐν Φιλούσῃ φησὶν Ἀφροδίσι’ ἦγε ταῖσ ἑταίραισ ἡ πόλισ, ἕτερα δὲ χωρὶσ ἐστι ταῖσ ἐλευθέραισ. ταῖσ ἡμέραισ ταύταισ δὲ κωμάζειν ἔθοσ ἐστὶν νόμοσ τε τὰσ ἑταίρασ ἐνθάδε μεθύειν μεθ’ ἡμῶν.

일치하는 문장이 없습니다.

SEARCH

MENU NAVIGATION