헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 68)

μετὰ δὲ τὴν Πυθιονίκησ τελευτὴν ὁ Ἅρπαλοσ Γλυκέραν μετεπέμψατο καὶ ταύτην ἑταίραν, ὡσ ὁ Θεόπομποσ ἱστορεῖ, φάσκων ἀπειρηκέναι τὸν Ἅρπαλον μὴ στεφανοῦν ἑαυτόν, εἰ μή τισ στεφανώσειε καὶ τὴν πόρνην. "ἔστησέν τε εἰκόνα χαλκῆν τῆσ Γλυκέρασ ἐν Ῥωσσῷ τῆσ Συρίασ, οὗπερ καὶ σὲ καὶ αὑτὸν ἀνατιθέναι μέλλει. "παρέδωκέν τε αὐτῇ κατοικεῖν ἐν τοῖσ βασιλείοισ τοῖσ ἐν Ταρσῷ καὶ περιορᾷ ὑπὸ τοῦ λαοῦ προσκυνουμένην καὶ βασίλισσαν προσαγορευομένην καὶ ταῖσ ἄλλαισ δωρεαῖσ τιμωμένην, αἷσ πρέπον ἦν τὴν σὴν μητέρα καὶ τὴν σοὶ συνοικοῦσαν. συνεπιμαρτυρεῖ δὲ τούτοισ καὶ ὁ τὸν Ἀγῆνα τὸ σατυρικὸν δραμάτιον γεγραφώσ, ὅπερ ἐδίδαξεν Διονυσίων ὄντων ἐπὶ τοῦ Ὑδάσπου ποταμοῦ, εἴτε Πύθων ἦν ὁ Καταναῖοσ ἢ Βυζάντιοσ ἢ καὶ αὐτὸσ ὁ βασιλεύσ, ἐδιδάχθη δὲ τὸ δρᾶμα ἤδη φυγόντοσ τοῦ Ἁρπάλου ἐπὶ θάλατταν καὶ ἀποστάντοσ.

καὶ τῆσ μὲν Πυθιονίκησ ὡσ τεθνηκυίασ μέμνηται, τῆσ δὲ Γλυκέρασ ὡσ οὔσησ παρ’ αὐτῷ καὶ τοῖσ Ἀθηναίοισ αἰτίασ γινομένησ τοῦ δωρεὰσ λαμβάνειν παρὰ Ἁρπάλου, λέγων ὧδε· ἔστιν δ’, ὅπου μὲν ὁ κάλαμοσ πέφυχ’ ὅδε, ὀχύρωμ’ ἀόρνον.

οὑξ ἀριστερᾶσ δ’ ὅδε πόρνησ ὁ κλεινὸσ ναόσ, ὃν δὴ Παλλίδησ τεύξασ κατέγνω διὰ τὸ πρᾶγμ’ αὑτοῦ φυγήν. ἐνταῦθα δὴ τῶν βαρβάρων τινὲσ μάγοι ὁρῶντεσ αὐτὸν παγκάκωσ διακείμενον ἔπεισαν ὡσ ἄξουσι τὴν ψυχὴν ἄνω τὴν Πυθιονίκησ. Παλλίδην δ’ ἐνταῦθα ἐκάλεσε τὸν Ἅρπαλον.

ἐν δὲ τοῖσ ἑξῆσ τῷ κυρίῳ καλέσασ αὐτόν φησιν· ἐκμαθεῖν δέ σου ποθῶ μακρὰν ἀποικῶν κεῖθεν, Ἀτθίδα χθόνα τίνεσ τύχαι κατέχουσιν ἢ πράττουσι τί. α. ὅτε μὲν ἔφασκον δοῦλον ἐκτῆσθαι βίον, ἱκανὸν ἐδείπνουν· νῦν δὲ τὸν χέδροπα μόνον καὶ τὸν μάραθον ἔσθουσι, πυροὺσ δ’ οὐ μάλα, β. καὶ μὴν ἀκούω μυριάδασ τὸν Ἅρπαλον αὐτοῖσι τῶν Ἀγῆνοσ οὐκ ἐλάσσονασ σίτου διαπέμψαι καὶ πολίτην γεγονέναι. α.

Γλυκέρασ ὁ σῖτοσ οὗτοσ ἦν· ἔσται δ’ ἴσωσ αὐτοῖσιν ὀλέθρου κοὐχ ἑταίρασ ἀρραβών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 68

(아테나이오스, The Deipnosophists, Book 13, book 13, chapter 68)

상위

목록

SEARCH

MENU NAVIGATION