헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 51)

Λυσίασ δ’ ἐν τῷ πρὸσ Λαίδα, εἴ γε γνήσιοσ ὁ λόγοσ, τούτων μνημονεύει· "Φιλύρα γέ τοι ἐπαύσατο πορνευομένη ἔτι νέα οὖσα καὶ Σκιώνη καὶ Ἱππάφεσισ καὶ Θεόκλεια καὶ Ψαμάθη καὶ Λαγίσκα καὶ Ἄνθεια. μήποτε δὲ δεῖ γράφειν ἀντὶ τῆσ Ἀνθείασ Ἄντειαν. οὐ γὰρ εὑρίσκομεν παρ’ οὐδενὶ ι Ἄνθειαν ἀναγεγραμμένην ἑταίραν, ἀπὸ δὲ Ἀντείασ καὶ ὅλον δρᾶμα ἐπιγραφόμενον, ὡσ προεῖπον, Εὐνίκου ἢ Φιλυλλίου Ἄντειά ἐστιν, καὶ ὁ τὸν κατὰ Νεαίρασ δὲ λόγον γράψασ μνημονεύει αὐτῆσ, ἐν δὲ τῷ κατὰ Φιλωνίδου βιαίων ὁ Λυσίασ, εἰ γνήσιοσ ὁ λόγοσ, καὶ Ναίδοσ τῆσ ἑταίρασ μέμνηται, κἀν τῷ πρὸσ Μέδοντα ψευδομαρτυριῶν Ἀντικύρασ. ἐπώνυμον δ’ ἐστὶ τοῦτο ἑταίρασ·

τὸ γὰρ κύριον ἦν Οἰά, ὡσ Ἀριστοφάνησ εἴρηκεν ἐν τῷ περὶ Ἑταιρῶν, Ἀντικύραν αὐτὴν φάσκων κληθῆναι ἤτοι ὅτι συνέπινε παρακινοῦσι καὶ μεμηνόσιν ἢ ὅτι αὐτὴν ἀναλαβὼν ὁ ἰατρὸσ Νικόστρατοσ ἀποθνῄσκων κατέλιπεν αὐτῇ πολὺν ἐλλέβορον, ἄλλο δὲ οὐδέν. καὶ Λυκοῦργοσ ἐν τῷ κατὰ Λεωκράτουσ Εἰρηνίδοσ ἑταίρασ μέμνηται ὡσ ἑταιρούσησ τῷ Λεωκράτει. Ναννίου δὲ ̔ Ὑπερείδησ μνημονεύει ἐν τῷ κατὰ Πατροκλέουσ.

αὕτη δὲ ὅτι Αἲξ ἐπεκαλεῖτο προείπομεν, διὰ τὸ Θαλλὸν τὸν κάπηλον ἐξαναλῶσαι. ὅτι δὲ θαλλῷ χαίρουσιν αἱ αἶγεσ, διόπερ οὐδ’ εἰσ ἀκρόπολιν ἄνεισι τὸ ζῷον οὐδ’ ὅλωσ Ἀθηνᾷ θύεται διὰ τοῦτο, ἄλλοσ ἔσται λόγοσ, ἀλλ’ ὅ γε Σοφοκλῆσ ἐν Ποιμέσιν ὅτι θαλλοφαγεῖ τὸ ζῷόν φησιν οὕτωσ· ἑωθινὸσ γάρ, πρίν τιν’ αὐλιτῶν ὁρᾶν, θαλλὸν χιμαίρᾳ προσφέρων νεοσπάδα εἶδον στρατὸν στείχοντα παραλίαν ἄκραν. μνημονεύει τῆσ Ναννίου καὶ Ἄλεξισ ἐν Ταραντίνοισ οὕτωσ Νάννιον δὲ μαίνεται ἐπὶ τῷ Διονύσῳ, κωμῳδῶν αὐτὴν ὡσ μέθυσον.

Μένανδροσ δ’ ἐν Ψευδηρακλεῖ φησιν οὐκ ἐπείρα Νάννιον; "προσκήνιον, φησίν, ἐπεκαλεῖτο ἡ Νάννιον, ὅτι πρόσωπόν τε ἀστεῖον εἶχε καὶ ἐχρῆτο χρυσίοισ καὶ ἱματίοισ πολυτελέσι, ἐκδῦσα δὲ ἦν αἰσχροτάτη. "ἦν δὲ Κορώνη τῆσ Ναννίου θυγάτηρ, τὸ τῆσ Τήθησ ἀναφέρουσα ἐκ τριπορνείασ ὄνομα. καὶ Νεμεάδοσ δὲ τῆσ αὐλητρίδοσ Ὑπερείδησ μνημονεύει ἐν τῷ κατὰ Πατροκλέουσ.

περὶ ἧσ ἄξιον θαυμάζειν πῶσ περιεῖδον Ἀθηναῖοι οὕτωσ προσαγορευομένην τὴν πόρνην, πανηγύρεωσ ἐνδοξοτάτησ ὀνόματι κεχρημένην· ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 51

(아테나이오스, The Deipnosophists, Book 13, book 13, chapter 51)

상위

목록

SEARCH

MENU NAVIGATION