헬라어 문장 검색 - ΑτηενάΤηεΔειπ

(아테나이오스, The Deipnosophists, Book 13, book 13, chapter 78)

Ιἑρώνυμοσ δ’ ὁ περιπατητικὸσ περισπουδάστουσ φησὶν γενέσθαι τοὺσ τῶν παίδων ἔρωτασ ὅτι πολλάκισ ἡ τῶν νέων ἀκμὴ καὶ τὸ πρὸσ ἀλλήλουσ ἑταιρικὸν συμφρονῆσαν πολλὰσ τυραννίδασ καθεῖλεν. παιδικῶν γὰρ παρόντων ἐραστὴσ πᾶν ὁτιοῦν ἕλοιτ’ ἂν παθεῖν ἢ δειλοῦ δόξαν ἀπενέγκασθαι παρὰ τοῖσ παιδικοῖσ. ἔργῳ γοῦν τοῦτο ἔδειξεν ὁ συνταχθεὶσ Θήβησιν ὑπὸ Ἐπαμινώνδου ἱερὸσ λόχοσ καὶ ὁ κατὰ τῶν Πεισιστρατιδῶν θάνατοσ ὑπὸ Ἁρμοδίου καὶ Ἀριστογείτονοσ γενόμενοσ, περὶ Σικελίαν δ’ ἐν Ἀκράγαντι ὁ Χαρίτωνοσ καὶ Μελανίππου ἔρωσ. Μελάνιπποσ δ’ ἦν τὰ παιδικά, ὥσ φησιν Ἡρακλείδησ ὁ Ποντικὸσ ἐν τῷ περὶ Ἐρωτικῶν, οὗτοι φανέντεσ ἐπιβουλεύοντεσ Φαλάριδι καὶ βασανιζόμεναι ἀναγκαζόμενοί τε λέγειν τοὺσ συνειδότασ οὐ μόνον οὐ κατεῖπον, ἀλλὰ καὶ τὸν Φάλαριν αὐτὸν εἰσ ἔλεον τῶν βασάνων ἤγαγον, ὡσ ἀπολῦσαι αὐτοὺσ πολλὰ ἐπαινέσαντα.

διὸ καὶ ὁ Ἀπόλλων ἡσθεὶσ ἐπὶ τούτοισ ἀναβολὴν τοῦ θανάτου τῷ Φαλάριδι ἐχαρίσατο, τοῦτο ἐμφήνασ τοῖσ πυνθανομένοισ τῆσ Πυθίασ ὅπωσαὐτῷ ἐπιθῶνται ἔχρησεν δὲ καὶ περὶ τῶν ἀμφὶ τὸν Χαρίτωνα, προτάξασ τοῦ ἑξαμέτρου τὸ πεντάμετρον, καθάπερ ὕστερον καὶ Διονύσιοσ ὁ Ἀθηναῖοσ ἐποίησε ὁ ἐπικληθεὶσ Χαλκοῦσ ἐν τοῖσ λ· ἐλεγείοισ.

ἐστὶν δὲ ὁ χρησμὸσ ὅδε· εὐδαίμων Χαρίτων καὶ Μελάνιπποσ ἔφυ, θείασ ἁγητῆρεσ ἐφαμερίοισ φιλότατοσ. διαβόητα δ’ ἐστὶν καὶ τὰ ἐπὶ Κρατίνῳ τῷ Ἀθηναίῳ γενόμενα· ὃσ μειράκιον ὢν εὔμορφον, Ἐπιμενίδου καθαίροντοσ τὴν Ἀττικὴν ἀνθρωπείῳ αἵματι διά τινα μύση παλαιά, ὡσ ἱστορεῖ Νεάνθησ ὁ Κυζικηνὸσ ἐν β’ περὶ Τελετῶν, ἑκὼν αὑτὸν ἐπέδωκεν ὁ Κρατῖνοσ ὑπὲρ τῆσ θρεψαμένησ· ᾧ καὶ ἐπαπέθανεν ὁ ἐραστὴσ Ἀριστόδημοσ, λύσιν τ’ ἔλαβε τὸ δεινόν.

διὰ τοὺσ τοιούτουσ οὖν ἔρωτασ οἱ τύραννοι πολέμιοι γὰρ αὐτοῖσ αὗται αἱ φιλίαι τὸ παράπαν ἐκώλυον τοὺσ παιδικοὺσ ἔρωτασ, πανταχόθεν αὐτοὺσ ἐκκόπτοντεσ. εἰσὶ δὲ οἳ καὶ τὰσ παλαίστρασ ὥσπερ ἀντιτειχίσματα ταῖσ ἰδίαισ ἀκροπόλεσιν ἐνεπίμπρασάν τε καὶ κατέσκαψαν· ὡσ ἐποίησε Πολυκράτησ ὁ Σαμίων τύραννοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 13, book 13, chapter 78

(아테나이오스, The Deipnosophists, Book 13, book 13, chapter 78)

상위

목록

SEARCH

MENU NAVIGATION