Athenaeus, The Deipnosophists, Book 13, book 13, chapter 72

(아테나이오스, The Deipnosophists, Book 13, book 13, chapter 72)

ἐν τούτοισ ὁ Ἑρμησιάναξ σφάλλεται συγχρονεῖν οἰόμενοσ Σαπφὼ καὶ Ἀνακρέοντα, τὸν μὲν κατὰ Κῦρον καὶ Πολυκράτην γενόμενον, τὴν δὲ κατ’ Ἀλυάττην τὸν Κροίσου πατέρα. χαμαιλέων δ’ ἐν τῷ περὶ Σαπφοῦσ καὶ λέγειν τινάσ φησιν εἰσ αὐτὴν πεποιῆσθαι ὑπὸ Ἀνακρέοντοσ τάδε· σφαίρῃ δεῦτέ με πορφυρέῃ βάλλων χρυσοκόμησ Ἔρωσ νήνι ποικιλοσαμβάλῳ συμπαίζειν προκαλεῖται, ἡ δ’, ἐστὶν γὰρ ἀπ’ εὐκτίτου Λέσβου, τὴν μὲν ἐμὴν κόμην, λευκὴ γάρ, καταμέμφεται, πρὸσ δ’ ἄλλην τινὰ χάσκει. καὶ τὴν Σαπφὼ δὲ πρὸσ αὐτὸν ταῦτά φησιν εἰπεῖν κεῖνον, ὦ χρυσόθρονε Μοῦσ1’, ἔνισπεσ ὕμνον, ἐκ τᾶσ καλλιγύναικοσ ἐσθλᾶσ Τήιοσ χώρασ ὃν ἀείδε τερπνῶσ πρέσβυσ ἀγαυόσ.

ὅτι δὲ οὔκ ἐστι Σαπφοῦσ τοῦτο τὸ ᾆσμα παντί που δῆλον. ἐγὼ δὲ ἡγοῦμαι παίζειν τὸν Ἑρμησιάνακτα περὶ τούτου τοῦ ἔρωτοσ, καὶ γὰρ Δίφιλοσ ὁ κωμῳδιοποιὸσ πεποίηκεν ἐν Σαπφοῖ δράματι Σαπφοῦσ ἐραστὰσ Ἀρχίλοχον καὶ Ἱππώνακτα. ταῦθ’ ὑμῖν, ὦ ἑταῖροι, οὐκ ἀμερίμνωσ δοκῶ τὸν ἐρωτικὸν τοῦτον πεποιῆσθαι κατάλογον, οὐκ ὢν οὕτωσ ἐρωτομανὴσ ὡσ διαβάλλων μ’ εἴρηκεν ὁ Κύνουλκοσ, ἀλλ’ ἐρωτικὸσ μὲν εἶναι ὁμολογῶ, ἐρωτομανὴσ δὲ οὔ.

τίσ δ’ ἔστ’ ἀνάγκη δυστυχεῖν ἐν πλείοσιν, ἐξὸν σιωπᾶν κἀν σκότῳ κρύπτειν τάδε; Αἰσχύλοσ ἔφη ὁ Ἀλεξανδρεὺσ ἐν Ἀμφιτρύωνι. οὗτοσ δέ ἐστιν Αἰσχύλοσ ὁ καὶ τὰ Μεσσηνιακὰ ἔπη συνθείσ, ἀνὴρ εὐπαίδευτοσ.

일치하는 문장이 없습니다.

SEARCH

MENU NAVIGATION