Athenaeus, The Deipnosophists, Book 13, book 13, chapter 86

(아테나이오스, The Deipnosophists, Book 13, book 13, chapter 86)

"περὶ ἀφροδισίων ἁρμοστὸν εἶναι ἐν τῷ οἴνῳ μνείαν ποιεῖσθαι· "καὶ γὰρ πρὸσ ταῦτα ἡμᾶσ ὅταν ὑποπίωμεν ἐπιρρεπεῖσ εἶναι. "καὶ ἐνταῦθα τοὺσ μὲν ἡμέρωσ τε καὶ μετρίωσ αὐτοῖσ χρωμένουσ ἐπαινεῖν δεῖ, τοὺσ δὲ θηριωδῶσ καὶ ἀπλήστωσ ψέγειν. "καὶ εἰ διαλεκτικοὶ συνελθόντεσ εἰσ πότον περὶ συλλογισμῶν διαλέγοιντο, ἀλλοτρίωσ ἂν αὐτοὺσ ὑπολάβοι τισ ποιεῖν τοῦ παρόντοσ καιροῦ, ὅτε καὶ ὁ καλὸσ κἀγαθὸσ ἀνὴρ μεθυσθείη ἄν. οἱ δὲ βουλόμενοι σωφρονικοὶ εἶναι σφόδρα μέχρι τινὸσ διατηροῦσιν ἐν τοῖσ πότοισ τὸ τοιοῦτον εἶθ’ ὅταν παρεισδυῇ τὸ οἰνάριον, τὴν πᾶσαν ἀσχημοσύνην ἐπιδείκνυνται· "ὃ καὶ πρώην ἐγένετο ἐπὶ τῶν ἐξ Ἀρκαδίασ θεωρῶν πρὸσ Ἀντίγονον παραγενομένων. "ἐκεῖνοι γὰρ ἠρίστων σφόδρα σκυθρωπῶσ καὶ εὐσχημόνωσ, ὡσ ᾤοντο, οὐχ ὅτι ἡμῶν τινα προσβλέποντασ, ἀλλ’ οὐδὲ ἀλλήλουσ. "ὡσ δὲ ὁ πότοσ προέβαινεν καὶ εἰσῆλθεν ἄλλα τε ἀκροάματα καὶ αἱ Θετταλαὶ αὗται ὀρχηστρίδεσ, καθάπερ αὐταῖσ ἔθοσ ἐστίν, ἐν ταῖσ διαζώστραισ γυμναὶ ὠρχοῦντο, οὐκ ἔτι κατεῖχον αὑτοὺσ οἱ ἄνδρεσ, ἀλλὰ ἐκ τῶν κλινῶν ἀνώρμων καὶ ἐβόων ὡσ θαυμαστόν τι θέαμα θεώμενοι· "καὶ μακάριον τὸν βασιλέα ἀπεκάλουν ὅτι ἔξεστιν αὐτῷ τούτων ἀπολαύειν, καὶ ἕτερα τούτοισ παραπλήσια πάνυ πολλὰ τῶν φορτικῶν ἐποίουν. "τῶν φιλοσόφων δέ τισ συμπίνων ἡμῖν εἰσελθούσησ αὐλητρίδοσ καὶ οὔσησ εὐρυχωρίασ παρ’ αὐτῷ, βουλομένησ τῆσ παιδίσκησ παρακαθίσαι οὐκ ἐπέτρεψεν, ἀλλὰ σκληρὸν αὑτὸν εἰσῆγεν. "εἶθ’ ὕστερον πωλουμένησ τῆσ αὐλητρίδοσ, καθάπερ ἔθοσ ἐστὶν ἐν τοῖσ πότοισ γίνεσθαι, ἐν τῷ ἀγοράζειν πάνυ νεανικὸσ ἦν καὶ τῷ πωλοῦντι, ἄλλῳ τινὶ θᾶττον προσθέντι, · "ἡμφισβήτει καὶ οὐκ ἔφη αὐτὸν πεπρακέναι· "καὶ τέλοσ εἰσ πυγμὰσ ἦλθεν ὁ σκληρὸσ ἐκεῖνοσ φιλόσοφοσ καὶ ἐν ἀρχῇ οὐδ’ ἂν παρακαθίσαι ἐπιτρέπων τῇ αὐλητρίδι. μήποτε αὐτόσ ἐστιν ὁ Περσαῖοσ ὁ περὶ τῆσ αὐλητρίδοσ διαπυκτεύσασ·

· φησὶν γὰρ Ἀντίγονοσ ὁ Καρύστιοσ ἐν τῷ περὶ Ζήνωνοσ γράφων. ὧδε· "Ζήνων ὁ Κιτιεὺσ Περσαίου παρὰ πότον αὐλητρίδιον πριαμένου καὶ διοκνοῦντοσ εἰσαγαγεῖν πρὸσ αὐτὸν διὰ τὸ τὴν αὐτὴν οἰκεῖν οἰκίαν; "συναισθόμενοσ εἰσείλκυσε τὴν παιδίσκην καὶ συγκατέκλεισε τῷ Περσαίῳ. οἶδα δὲ καὶ Πολύστρατον τὸν Ἀθηναῖον, μαθητὴν δὲ Θεοφράστου, τὸν ἐπικαλούμενον Τυρρηνόν, ὅτι τῶν αὐλητρίδων τὰ ἱμάτια περιέδυεν.

일치하는 문장이 없습니다.

SEARCH

MENU NAVIGATION